கமல்ஹாசனுக்கு தமிழக காங்கிரஸ் தலைவர் பதவியா?
உலக நாயகன் கமல்ஹாசன் கடந்த சில நாட்களாகவே அரசியல் குறித்து காரசாரமான கருத்துக்களை தெரிவித்து வரும் நிலையில் அவரை தங்கள் கட்சியில் இழுக்க திமுக உள்பட ஒருசில கட்சிகள் முயற்சிப்பதாக கூறப்படுகிறது. இந்த நிலையில் முரசொலி விழாவில் கமலஹாசன் கலந்து கொள்வது உறுதியாகியுள்ளதால் அவர் திமுகவில் சேரலாம் என்ற வதந்தி பரவி வருகிறது.
இந்த நிலையில் நேற்று அகில இந்திய காங்கிரஸ் கட்சியின் செய்தி தொடர்பாளர் குஷ்பு, கமல்ஹாசனுக்கு வெளிப்படையாக ஆதரவு கொடுத்ததால், கமல் காங்கிரஸ் கட்சியில் சேரலாம் என்றும், அவ்வாறு அவர் சேர முடிவெடுத்தால் அவருக்கு தமிழக காங்கிரஸ் கட்சியின் தலைவர் பதவி வழங்கப்படலாம் என்றும் வதந்திகள் எழுந்தன.
இந்த நிலையில் தமிழக காங்கிரஸ் கட்சியின் தலைவர் திருநாவுக்கரசர் இந்த வதந்திக்கு முற்றுப்புள்ளி வைத்துள்ளார். அவர் இதுகுறித்து கூறியபோது, ‘கமலுக்கு தமிழக காங்கிரஸ் தலைவர் பதவி வழங்கப்படும் என்ற செய்தியில் உண்மையில்லை’ என்று கூறியுள்ளார்.
