இந்தியாவுக்கு சுற்றுப்பயணம் செய்கிறது இலங்கை கிரிக்கெட் அணி
இலங்கையில் சுற்றுப்பயணம் செய்து தற்போது இந்திய கிரிக்கெட் அணி விளையாடி வருகிறது. இந்த நிலையில் இந்த ஆண்டு டிசம்பர் மாதம் இலங்கை அணி இந்தியாவுக்கு வருகை தந்து 3 டெஸ்ட், 3 ஒருநாள் போட்டி மற்றும் மூன்று இருபது ஓவர் போட்டியில் ஆடுகிறது.
செப்டம்பர் இறுதியில் இருந்து அக்டோபர் மத்தி வரை ஆஸ்திரேலிய அணி இந்தியாவில் 5 ஒருநாள் போட்டி மற்றும் மூன்று 20 ஓவரில் ஆடுகிறது.
அதைத் தொடர்ந்து அக்டோபர் இறுதியில் நவம்பர் முதல் வாரம் வரை நியூசிலாந்து அணி இந்தியா வந்து 3 ஒருநாள் போட்டி, மூன்று 20 ஓவரில் விளையாடுகிறது.
டிசம்பர் மாதம் இலங்கை அணி இந்தியா வந்து 3 டெஸ்ட், 3 ஒருநாள் போட்டி மற்றும் மூன்று 20 ஓவர் போட்டியில் ஆடுகிறது.
இலங்கைக்கு எதிரான டெஸ்டுகள் கேரள தலைநகர் திருவனந்தபுரம், அசாமில் உள்ள பரஸ்பரா ஆகிய இடங்களில் நடத்தப்படும் என்று எதிர்பார்க்கப்படுகிறது. இந்த இரு இடங்களிலும் முதல் முறையாக டெஸ்ட் நடைபெற வாய்ப்பு உள்ளது.
கிரிக்கெட் வாரியத்தின் பிக்சர்ஸ் கமிட்டி கொல்கத்தாவில் இன்று கூடி போட்டி அட்டவணையை அறிவிக்கிறது.
