பத்து கிடைத்ததும் மூன்றை கமல் வேண்டாம் என்றார்! பி.வாசு
பிரபல இயக்குனர் பி.வாசு, தமிழ் திரையுலகில் பல வெற்றி படங்களை கொடுத்தவர். குறிப்பாக ரஜினிகாந்த் நடித்த ‘பணக்காரன்’, ‘மன்னன்’, ‘உழைப்பாளி’, ‘சந்திரமுகி ஆகிய நான்கு படங்களும் சூப்பர் ஹிட்.
மேலும் சத்யராஜ், பிரபு, உள்பட பல ஹீரோக்களின் படங்களை அவர் இயக்கியிருந்தாலும் இதுவரை அவர் கமல் படத்தை மட்டும் இயக்கவில்லை. இதுகுறித்து பேட்டி ஒன்றில் அவர் கூறியதாவது: ‘கமல் படத்தை இயக்க பேச்சுவார்த்தை நடந்தது. மூன்று முறை அவரை சந்தித்து கதையும் கூறி ஓகே ஆனது. அந்த படத்தில் அவர் மூன்று வேடங்களில் நடிப்பதாக இருந்தது. ஆனால் அந்த சமயத்தில் அவர் ‘தசாவதாரம்’ படத்தில் கமிட் ஆனார்.
அப்போது அவர் என்னை அழைத்து ‘தசாவதாரம்’ படத்தில் 10 வேடத்தில் நடிக்கின்றேன். அடுத்த படத்தில் 3 வேடம் என்றால் அது சரியாக இருக்காது. எனவே கொஞ்சம் கேப் விட்டு நாம் இந்த படத்தை பண்ணுவோம் என்று கூறினார். ஆனால் அதன்பின்னர் நான் அந்த படம் குறித்து அவரிடம் பேசவில்லை’
