வெங்கையா நாயுடுவுக்கு ரஜினிகாந்த் வாழ்த்து
குடியரசு துணைத் தலைவர் தேர்தலில் வெற்றி பெற்ற வெங்கய்ய நாயுடுவுக்கு நடிகர் ரஜினிகாந்த் தனது டுவிட்டரில் வாழ்த்து தெரிவித்துள்ளார்.
நேற்று நடைபெற்ற துணைக்குடியரசு தலைவருக்கான தேர்தலில் 516 வாக்குகள் பெற்று பாஜக வேட்பாளர் வெங்கையா நாயுடு வெற்றி பெற்றார். அவருக்கு பிரதமர் மோடி, முதலமைச்சர் எடப்பாடி பழனிச்சாமி ஆகியோர் உள்பட அனைவரும் வாழ்த்து தெரிவித்த நிலையில் சூப்பர் ஸ்டார் ரஜினிகாந்த் டுவிட்டரில் வாழ்த்து தெரிவித்துள்ளார்.
இது தொடர்பாக ரஜினி தனது டுவிட்டர் பக்கத்தில் வெளியிட்டுள்ள பதிவில்,’என் இதயம் கனிந்த வாழ்த்துக்கள் வெங்கையா நாயுடு, மிகவும் கவுரமான பதவிக்கு தகுதி பெற்றவர் நீங்கள். கடவுள் ஆசீர்வதிக்கட்டும். என குறிப்பிட்டுள்ளார்.
