ரஜினி பட தயாரிப்பாளர் பாஜகவில் இணைந்தார்
பாஜக தமிழகத்தில் காலூன்றவே முடியாது என்ற நிலை ஒருகாலத்தில் இருந்தது. ஆனால் மோடி பிரதமராகவும், அமித்ஷா பாஜக தலைவராகவும் பொறுப்பேற்ற பின்னர் தமிழகத்திலும் பாஜக மிக வேகமாக வளர்ந்து வருகிறது. இன்னும் ஒருசில வருடங்களில் கூட்டணி ஆட்சியிலோ அல்லது தனி மெஜாரிட்டியாகவோ தமிழகத்தை பாஜக ஆட்சியை பிடித்தாலும் ஆச்சரியப்படுவதற்கில்லை
இந்த நிலையில் பாஜகவில் கோலிவுட் பிரபலங்கள் பலர் இணைந்து வருகின்றனர்.ஏற்கனவே பாஜகவில் கங்கை அமரன், நெப்போலியன், கஸ்தூரி ராஜா, குட்டிபத்மினி, காயத்ரி ரகுராம் உள்பட பலர் இணைந்துள்ள நிலையில் தற்போது சூப்பர் ஸ்டார் ரஜினிகாந்த் நடித்த ‘அன்புள்ள ரஜினிகாந்த் மற்றும் சோலைக்குயில், மலையூர் மம்பட்டியான் போன்ற படங்களை தயாரித்தவரும், ‘அழகர்சாமியின் குதிரை, நான் கடவுள் போன்ற திரைப்படங்களில் நடித்தவருமான அழகன் தமிழ்மணி நேற்று மத்திய அமைச்சர் பொன்.ராதாகிருஷ்ணன் முன்னிலையில் பாஜகவில் தன்னை இணைத்து கொண்டார். இந்த தகவலை பொன்.ராதாகிருஷ்ணன் அவர்கள் தனது டுவிட்டரில் உறுதி செய்துள்ளார்.
பாஜகவில் இணைந்தது குறித்து அழகன் தமிழ்மணி கூறியபோது, ‘பிரதமர் நரேந்திர மோடியின் மக்கள் நலன் சார்ந்த ஆட்சி நிர்வாகம் என்னை வெகுவாகக் கவர்ந்துள்ளது. அதன் காரணமாக என்னை பா.ஜ.க-வில் இணைத்து கொண்டேன். இந்த நல்லாட்சி சாதனைகள் மக்களுக்குச் சென்றடைய உழைப்பேன்” என்று கூறியுள்ளார்.
