அணி மாறிய தினகரன் ஆதரவு எம்பிக்கள்: இரட்டை இலையால் திருப்பம்
ஈபிஎஸ்-ஓபிஎஸ் தலைமையிலான அணிக்கு சமீபத்தில் இரட்டை இலை சின்னத்தை தேர்தல் ஆணையம் உறுதி செய்த நிலையில் அந்த அணி தற்போது ஒருங்கிணைந்த அதிமுகவாக கருதப்படுகிறது.
இதனையடுத்து தினகரன் அணியில் உள்ளவர்கள் முதல்வர் எடப்பாடி பழனிச்சாமி தலைமையிலான அதிமுகவுக்கு மாறி வருகின்றனர்.
அந்த வகையில் நேற்று தினகரன் ஆதரவு எம்பிக்களான நவநீதகிருஷ்ணன், விஜிலா சத்யானந்த், மற்றும் கோகுலகிருஷ்ணன் ஆகியோர் முதலமைச்சர் அணிக்கு மாறினர். 3 எம்.பி.க்களும், முதலமைச்சரை நேரில் சந்தித்து ஆதரவு தெரிவித்துள்ளதால் எடப்பாடியின் அதிமுக வலுவாகவும், தினகரனின் அணி வலுவிழந்தும் காணப்படுகிறது
இந்த நிலையில் தகுதி நீக்கம் செய்யப்பட்ட 18 எம்.எல்.ஏக்கள் உள்பட தினகரன் அணியின் ஆதரவாளர்கள் பலர் அணி மாறவுள்ளதாக கூறப்படுகிறது
