நரேந்திர மோடியா? நரேந்திர சாமியா? பிரச்சாரத்தில் உளறிய முதல்வர்
கர்நாடக மாநில தேர்தல் பிரச்சாரத்தில் தீவிரமாக ஈடுபட்டு கொண்டிருக்கும் முதல்வர் சித்தரமையா நேற்றை பிரச்சாரம் கூட்டம் ஒன்றில் காங்கிரஸ் கட்சியின் வேட்பாளர் நரேந்திர சாமிக்கு வாக்களிக்கும்படி கூறுவதற்கு பதிலாக நரேந்திரமோடிக்கு வாக்களியுங்கள் என்று கூறியது பெரும் பரபரப்பை ஏற்படுத்தியுள்ளது
கர்நாடகாவின் மாண்டியா மாவட்டத்தில் மாளவல்லி தொகுதியில் காங்கிரஸ் வேட்பாளர் நரேந்திர சுவாமியை ஆதரித்து பேசிய முதலமைச்சர் சித்தராமையா ‘அனைத்து கிராமங்களிலும் சாலைகள் போடப்பட்டுள்ளன. குடிநீர் வசதி மற்றும் வீடு கட்டி தரப்பட்டுள்ளது. இதற்கு நரேந்திர மோடியும், நாங்களுமே காரணம் என்பதால் நரேந்திர மோடிக்கு வாக்களியுங்கள்’ என்று கூறினார்.
இதைக்கேட்டதும் மேடையில் இருந்த தலைவர்கள் அதிர்ச்சி அடைந்தனர். இதையடுத்து, அங்கிருந்த வேட்பாளர் நரேந்திர சுவாமி குறுக்கிட்டு தவறை சுட்டி காட்டவே, சித்தராமையா தனது தவறை திருத்திக் கொண்டார். இதனால் அங்கு சிறிது பரபரப்பு ஏற்பட்டது.
