கடையடைப்பு போராட்டம்: நேற்று வணிகர் சங்கம், இன்று எதிர்க்கட்சிகள்
தூத்துகுடி துப்பாக்கி சூடு சம்பவத்தை கண்டித்து நேற்று வணிகர் சங்கம் நடத்திய கடையடைப்பு போராட்டத்திற்கு பெரிய ஆதரவு கிடைக்காத நிலையில் இன்று எதிர்க்கட்சிகள் கடையடைப்பு போராட்டத்திற்கு அழைப்பு விடுத்துள்ளது.
நேற்று நடைபெற்ற மு.க.ஸ்டாலின் தலைமையினால அனைத்து கட்சி கூட்டத்தில் இந்த முடிவு எடுக்கப்பட்டது என்பது குறிப்பிடத்தக்கது
இந்த போராட்டத்தில் ம.தி.மு.க., விடுதலைச் சிறுத்தைகள், கம்யூனிஸ்ட் கட்சிகள் உள்ளிட்ட கட்சிகள் கலந்து கொள்கின்றன. மேலும் முழு அடைப்பைத் தொடா்ந்து மாவட்டங்களின் தலைநகரங்களில் சாலை மறியல் போராட்டத்தில் ஈடுபடவும் இந்த கட்சிகள் திட்டமிடப்பட்டுள்ளது.
மு.க.ஸ்டாலின், திருமாவளவன், திருநாவுக்கரசா், வைகோ, கே.பாலகிருஷ்ணன் உள்ளிட்ட அரசியல் தலைவா்கள் சென்னையின் பல்வேறு பகுதிகளில் போராட்டத்தில் ஈடுபடவுள்ளதால் சென்னையில் இன்று போக்குவரத்து பாதிக்கப்பட வாய்ப்புள்ளது.
மேலும் இன்று ஆட்டோக்கள் மற்றும் வாடகைக்கார்கள் இயங்காது என்றும் அறிவிக்கப்பட்டுள்ளது.
முழு அடைப்பு போராட்டத்தால், பேருந்து, ரயில் சேவையில் எந்த பாதிப்பும் இருக்காது என்றும், பேருந்து நிலையங்கள், ரயில் நிலையங்கள், வணிக வளாகங்கள் என பொதுமக்கள் அதிகம் கூடும் இடங்களில் பாதுகாப்பு ஏற்பாடுகள் பலப்படுத்தப்பட்டுள்ளதாகவும் அரசு சார்பில் தெரிவிக்கப்பட்டுள்ளது.
