அஜித்தின் விஸ்வாசம் தேனி மாவட்டத்தில் நடக்கும் கதையா?
அஜித் – சிவா கூட்டணியில் உருவாகி வரும் 4வது படம் ‘விஸ்வாசம்’. இப்படத்தின் படப்பிடிப்பு தற்போது விறுவிறுப்பாக நடைபெற்று வரும் நிலையில் இப்படம் குறித்த ஒரு புதிய தகவல் வெளியாகியுள்ளது.
அதாவது, விஸ்வாசம் படத்தில் திருவிழா பாடல் இடம் பிடித்திருக்கிறது. இப்படத்தின் சமீபத்தில் சூட்டிங் புகைப்படம் ஒன்று வெளியாகியுள்ளது. அதில் திருவிழா போன்று செட் அமைத்திருக்கிறார்கள். ஏற்கனவே இவர்கள் கூட்டணியில் வெளியான ‘வீரம்’ படத்தில் திருவிழா பாடலும், ‘வேதாளம்’ படத்தில் விநாயகர் பாடலும் இடம் பிடித்திருந்தது.
தற்போது விஸ்வாசம் படத்திலும் அதுபோன்று திருவிழா பாடலையும் உருவாக்கி வருகிறார்கள். மேலும், இப்படத்தின் கதை தேனி மாவட்டத்தில் நடக்கும் கதை என்பதை கண்டுபிடித்துள்ளனர் அஜித் ரசிகர்கள்.
படப்பிடிப்பில் தேனி பதிவு எண் கொண்ட ராயல் என்பீல்டு புல்லட் ஒன்று நிற்கிறது. இது படத்தில் அஜித் ஓட்டும் புல்லட் எனத் தெரிகிறது. இதனால், ‘விசுவாசம்‘ படம் தேனியை கதைக்களமாகக் கொண்ட படம் என அஜித் ரசிகர்கள் யூகித்துள்ளனர்.
டி.என். 60 ஏபி 2435 எனும் பதிவு எண் கொண்ட புல்லட் புகைப்படமும் இப்போதே வைரலாகி வருகிறது.
