ஜியோபோன் 2ஐ அறிமுகம் செய்த முகேஷ் அம்பானி
இந்தியாவில் தொலைத்தொடர்பு துறையில் புதிய புரட்சியை உண்டாக்கிய முகேஷ் அம்பானி அவர்களின் ரிலைன்ஸ் நிறுவனம் தற்போது ஜியோபோன் 2ஐ அறிமுகம் செய்துள்ளது. ரிலையன்ஸ் இன்டஸ்ட்ரீஸ் நிறுவன ஆண்டு பொதுக்குழு கூட்டத்தில் இதற்கான அறிவிப்பை அந்நிறுவன தலைவர் முகேஷ் அம்பானி வெளியிட்டார்.
க்வெர்டி கீபோர்டு கொண்ட இந்த ஜியோபோன் 2 மாடலில் 2.4 இன்ச் டிஸ்ப்ளே, 4 புறமும் சுழலும் நேவிகேஷன் பட்டன், 2 எம்பி பிரைமரி மற்றும் செல்ஃபி கேமரா வழங்கப்பட்டுள்ளது. முந்தைய ஜியோபோன் போன்றே இந்த மாடலிலும் 4ஜி வோல்ட்இ, கை ஓஎஸ் ஆகியவை உள்ளது.
512 எம்பி ரேம் மற்றும் 4 ஜிபி இன்டெர்னல் மெமரி மற்றும் மெமரியை கூடுதலாக நீட்டிக்கும் வசதி வழங்கப்பட்டுள்ள இந்த போனில் வோல்ட்இ வசதியுடன், வோ-வைபை வசதி, எஃப்.எம்., வைபை, ஜிபிஎஸ், என்.எஃப்சி. ஆகியவை உள்ளது. .
2000 எம்ஏஹெச் பேட்டரி மூலம் சக்தியூட்டப்படும் ஜியோபோன் 2 மாடிலில், அனைத்து ஜியோ செயலிகளும் ப்ரீ-இன்ஸ்டால் செய்யப்பட்டு இருக்கிறது. இத்துடன் 22 இந்திய மொழிகளில் புதிய ஜியோபோனினை பயன்படுத்த முடியும்.
ஜியோபோன் 2 சிறப்பம்சங்கள்:
– 2.4 இன்ச் QVGA TFT டிஸ்ப்ளே
– டூயல் கோர் பிராசஸர்
– 512 எம்பி ரேம்
– 4 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– 2 எம்பி பிரைமரி கேமரா
– 2 எம்பி செல்ஃபி கேமரா
– 4ஜி வோல்ட்இ, வோ-வைபை, ஜிபிஎஸ்
– 2000 எம்ஏஹெச் பேட்டரி
புதிய ஜியோபோன் 2 விலை ரூ.2,999 என நிர்ணயம் செய்யப்பட்டுள்ளது. இதன் விற்பனை ஆகஸ்டு 15-ம் தேதி முதல் துவங்குகிறது. ஜியோபோன் 2 அறிமுக நிகழ்விலேயே பழைய ஜியோபோனில் ஃபேஸ்புக், யூடியூப் மற்றும் வாட்ஸ்அப் வசதிகள் வழங்கப்படும் என அறிவிக்கப்பட்டது.
