விசுவாசம்: அஜித் மட்டுமல்ல, இவருக்கும் இரண்டு கெட்டப்
தல அஜித் நடித்து வரும் ‘விசுவாசம்’ படத்தில் அவருக்கு இளமைத்தோற்றம், கொஞ்சம் முதிய தோற்றம் என இரண்டு வித கெட்டப்புகள் இருப்பதாக கூறப்படும் நிலையில் அஜித் மட்டுமின்றி அவருடன் நடித்து வரும் இன்னொரு பிரபல நடிகரும் இரண்டு கெட்டப்புகளில் நடித்து வருவதாக கூறப்படுகிறது.
அஜித்துடன் முக்கிய கேரக்டரில் நடித்து வரும் தம்பிராமையாவுக்கும் இளமை, முதுமை என இரண்டு கெட்டப்புகள் உள்ளது. இரண்டுவித தம்பிராமையாவின் ஸ்டில்கள் இதனை உறுதி செய்துள்ளது.
அஜித்துக்கு ஜோடியாக நயன்தாரா நடித்து வரும் இந்த படத்தில் விவேக், யோகிபாபு, தம்பி ராமையா உள்ளிட்ட பலர் நடிக்கிறார்கள். சத்யஜோதி பிலிம்ஸ் நிறுவனம் தயாரித்து வரும் இப்படத்திற்கு இமான் இசையமைத்து வருகிறார்.
இப்படம் தீபாவளி அன்று வெளியாகும் என்று அறிவிக்கப்பட்டது. பின்னர், பொங்கல் திருநாளில் வெளியிட இருப்பதாக படக்குழுவினர் அறிவித்துள்ளனர்.
