பிக்பாஸ் புகழ் ஹரிஷ் கல்யாண்-ரைசா படத்தின் முக்கிய அறிவிப்பு
பிக்பாஸ் நிகழ்ச்சியின் முதல் பாகத்தின் மூலம் புகழ் பெற்ற ஹரிஷ் கல்யாண் மற்றும் ரைசா முதல்முறையாக இணைந்து நடித்து வரும் ‘பியார் பிரேமா காதல்’ படத்தின் டிரைலர் ரிலீஸ் தேதி அறிவிக்கப்பட்டுள்ளது. இந்த படத்தை இசையமைப்பாளர் யுவன்ஷங்கர் ராஜா தயாரித்து வருகிறார்
`பியார் பிரேமா காதல்’ என்ற படத்தை இளன் என்ற புதுமுக இயக்குநர் இயக்கி வருகிறார். இந்த படத்தை ஒய்.எஸ்.ஆர். பிலிம்ஸ் சார்பில் யுவன் ஷங்கர் ராஜாவும், பாகுபலி படத்தை வெளியிட்ட ‘கே புரொடக்ஷன்ஸ்’ நிறுவனம் சார்பில் ராஜராஜனும் இணைந்து தயாரிக்கின்றனர். காதல் கலந்த காமெடி படமாக உருவாக இருக்கும் இந்த படத்திற்கு யுவன் ஷங்கர் ராஜா இசையமைக்கிறார்.
இப்படத்தின் படப்பிடிப்புகள் முடிந்து தற்போது ரிலீஸுக்கு தயாராகி வரும் நிலையில், இப்படத்தின் டிரைலரை ஜூலை 21ம் தேதி அதாவது நாளை மாலை 6 மணிக்கு வெளியிட இருப்பதாக யுவன் சங்கர் ராஜா அறிவித்திருக்கிறார்.
