கார்த்திக் நரேனுக்கு வாழ்த்து தெரிவித்த நயன்தாரா வில்லன்
நயன்தாரா நடித்துள்ள ‘இமைக்கா நொடிகள்’ படத்தில் வில்லனாக நடித்தவரும் பிரபல பாலிவுட் நடிகருமான அனுராக் காஷ்யப், கார்த்திக் நரேனுக்கு பாராட்டு தெரிவித்துள்ளார்.
துருவங்கள் 16′ படத்திற்குப் பிறகு கார்த்திக் நரேன் இயக்கியுள்ள ‘நரகாசுரன்’ படத்தின் படப்பிடிப்புகள் முடிந்து தற்போது ரிலீசுக்கு தயாராகி வருகிறது. இந்நிலையில், படத்தை தணிக்கை குழுவிற்கு அனுப்பியுள்ளனர். படத்தை பார்த்த குழுவினர் யூ/ஏ சான்றிதழ் வழங்கினர்.
இந்த செய்தியை படத்தின் புதிய போஸ்டருடன் தனது ட்விட்டர் பக்கத்தில் பதிவிட்டார் கார்த்திக் நரேன். இதற்கு பாலிவுட் இயக்குனர் அனுராக் காஷ்யப், “எப்போது படம் வெளியாகும்? உங்களுடைய ‘துருவங்கள் 16’ படத்திற்கு நான் பெரிய ரசிகன்” என பதிவு செய்திருந்தார். அதைப் பார்த்து உற்சாகமான கார்த்திக் நரேன், நன்றி தெரிவித்து “ஆகஸ்ட் மாதம் வெளியிட திட்டமிட்டிருக்கிறோம்” என பதிலளித்தார்.
