இன்று விருப்பமனு தாக்கல் செய்கிறார் கனிமொழி: எந்த தொகுதியில் போட்டி?
திமுக மாநிலங்களவை உறுப்பினர் கனிமொழி இன்று அண்ணா அறிவாலயத்தில் விருப்ப மனு தாக்கல் செய்யவிருப்பதாக தகவல் வெளியாகியுள்ளது. அனேகமாக அவர் தூத்துக்குடி தொகுதியில் போட்டியிட விருப்ப மனுவை தாக்கல் செய்யலாம் என கூறப்படுகிறது.
மார்ச் ஒன்றாம் தேதி முதல் திமுகவில் நாடாளுமன்ற தேர்தலில் போட்டியிடுவதற்கான விருப்ப மனுக்கள் வழங்கப்பட்டு வரும் நிலையில் இதுவரை முன்னாள் எம்.எல்.ஏ. வேலுசாமி, முன்னாள் மேயர் குழந்தைவேலு உள்ளிட்ட பலர் போட்டியிடுவதற்கு மனுக்கள் கொடுத்துள்ளனர்.
இந்த நிலையில் தூத்துக்குடி மக்களவை தொகுதியில் திமுக மாநிலங்களவை உறுப்பினர் கனிமொழி போட்டியிட விரும்புவதாகவும், இதனை உறுதி செய்யும் வகையில் இன்று அவர் அண்ணா அறிவாலயத்தில் தனது விருப்ப மனுவை தாக்கல் செய்வார் என்றும் தகவல் வெளியாகி உள்ளது.
