மு.க.ஸ்டாலினை சந்தித்த சத்யராஜ் மகள்!
சத்யராஜ் மகள் திவ்யா, தென் இந்தியாவில் பிரபலமான ஊட்டச்சத்து நிபுணர் என்பதும், அவர் உலகப் புகழ் தொண்டு நிறுவனமான அக்சயா பாத்ராவின் தூதுவர் என்பதும் தெரிந்ததே. இவருடைய தீவிர முயற்சியால் அக்சய பாத்ரா தொண்டு நிறுவனமும், சென்னை மாநகராட்சியும் இணைந்து தமிழக அரசு பள்ளி குழந்தைகளுக்கு காலை உணவு வழங்குகின்றன என்பது குறிப்பிடத்தக்கது
இந்த நிலையில் நேற்று திமுக தலைவர் மு.க.ஸ்டாலினை திவ்யா சந்தித்தார். இந்த சந்திப்பின்போது தமிழகத்தில் வழங்கப்பட்டு வரும் அரசு பள்ளி குழந்தைகளுக்கான ஊட்டச்சத்து உணவு குறித்து அவர் விளக்கினார்.
18 சட்டமன்ற தொகுதிகளுக்கு இடைத்தேர்தல் நடைபெறவுள்ள நிலையில், இந்த 18 தொகுதிகளிலும் திமுக வெற்றி பெற்றுவிட்டால் அடுத்த முதல்வர் ஸ்டாலின் என்பதால் தனது ஊட்டசத்து உணவு திட்டம் தொடர அவர் ஸ்டாலினை சந்தித்திருக்கலாம் என கூறப்படுகிறது
