விபி கலைராஜனை அடுத்து திமுகவில் இணைந்த இன்னொரு பிரபலம்
கடந்த சில மாதங்களாகவே திமுகவில் மாற்று கட்சியினர் இணைந்து வருவது அதிகரித்து கொண்டே வருகிறது. அமமுகவில் இருந்து பிரிந்து செந்தில் பாலாஜி மற்றும் விபி கலைராஜன் ஆகியோர் திமுகவில் அடுத்தடுத்து இணணந்தனர்.
இந்த நிலையில் இன்று ஓமலூர் தொகுதி முன்னாள் பாமக எம்.எல்.ஏ தமிழரசு, சேலத்தில் மு.க.ஸ்டாலின் முன்னிலையில் தி.மு.க.வில் இணைந்தார். அவருடன் சேலம் மாவட்ட பாமக செயலாளர் ஜெயவேல் உள்பட நூற்றுக்கணக்கான பாமகவினரும் திமுகவில் இணைந்தனர். இதனால் பாமக தரப்பி அதிர்ச்சி அடைந்துள்ளது.
அதுமட்டுமின்றி இன்னும் ஒருசில கட்சியினர் திமுகவில் இணைய பேச்சுவார்த்தை நடத்தி வருவதாகவும் இதுகுறித்த தகவல்கள் விரைவில் வெளிவரும் என்று கூறப்படுவதால் தமிழக அரசியலில் பரபரப்பு ஏற்பட்டுள்ளது
