சின்னம் முக்கியமில்லை, எண்ணம் தான் முக்கியம்: டிடிவி தினகரன்
சின்னம் முக்கியமல்ல மக்களின் எண்ணம்தான் முக்கியம் என டிடிவி தினகரன் தேர்தல் பிரச்சார கூட்டம் ஒன்றில் பேசியுள்ளார்.
திருவள்ளூர் மக்களவைத் தொகுதி அமமுக வேட்பாளர் பொன்ராஜாவை ஆதரித்து அமமுக துணை பொதுச்செயலாலர் டிடிவி தினகரன் வாக்கு சேகரிப்பில் ஈடுபட்டார். அதில் ஈபிஎஸ் மற்றும், ஓபிஎஸ் ஆகிய இருவரும் அவர்களின் டாடியுடன் பேசி குக்கர் சின்னம் எங்கள் கட்சிக்கு கிடைக்காதவாறு முடக்கிவிட்டனர் என்று குற்றம்சாட்டினார்.
எந்த சின்னம் தேர்தல் ஆணையம் கொடுத்தாலும் நாங்கள் ஜெயிப்போம் என்றும் எங்களுக்கு சின்னம் முக்கியமில்லை, மக்களின் எண்ணங்கள் தான் முக்கியம் என்றும் அவர் மேலும் தெரிவித்தார்.
