பிரபல திரைப்பட இயக்குநர் மகேந்திரன் காலமானார்.
பிரபல திரைப்பட இயக்குநர் மகேந்திரன் உடல் நலக் குறைவால் காலமானார். அவருக்கு வயது 79
சிறுநீரகக் கோளாறு காரணமாக, சென்னை தனியார் மருத்துவமனையில் சிகிச்சை பெற்று வந்த இயக்குனர் மகேந்திரன் சிகிச்சை பலனின்றி, இன்று காலை காலமானார். மகேந்திரனுக்கு ஜான் மகேந்திரன் என்ற மகன் உள்ளார்.
மகேந்திரன் இயக்கிய உதிரிப்பூக்கள், முள்ளும் மலரும், ஜானி, காளி, கை கொடுக்கும் கை ஆகிய படங்கள் தமிழ் சினிமாவின் பொக்கிஷங்கள் ஆகும்.
மேலும் இவர் சிவாஜியின் தங்கப்பதக்கம் படம் உள்பட பல படங்களுக்கு வசனம் எழுதியுள்ளார். சமீபத்தில் விஜய் நடித்து வெளியான தெறி, ரஜினியின் பேட்ட, விஜய்சேதுபதியில் சீதக்காதி, அதர்வாவின் பூமராங் ஆகிய படங்களில் நடித்துள்ள மகேந்திரன் ஆரம்ப காலத்தில் பத்திரிகை துறையிலும் இருந்துள்ளார்.
மறைந்த மகேந்திரனின் ஆன்மா சாந்தியடைய இறைவனை பிரார்த்தனை செய்வோம்
