அஜித் நடிப்பில் ‘தூம் 4: பாலிவுட்டில் பரபரப்பு
தூம் பட வரிசையின் மூன்று பாகங்களும் உலகம் முழுவதும் சூப்பர்ஹிட் என்பது தெரிந்ததே. முதல் பாகத்தில் ஜான் ஆபிரஹாம், ‘தூம் 2’ படத்தில் ஹிருத்திக் ரோஷன், ‘தூம் 3; படத்தில் அமீர்கான் ஆகியோர் நெகட்டிவ் கேரக்டர்களில் கலக்கியிருக்க இந்த மூன்று படங்களிலும் அபிஷேக்பச்சன் அசத்தலான போலீஸ் கேரக்டரில் நடித்திருந்தார்.
இந்த நிலையில் அஜித்தை பாலிவுட்டுக்கு அழைத்து வருவேன் என்று போனிகபூர் கூறியதில் இருந்தே அவர் அஜித்தை வைத்து ‘தூம் 4’ படத்தை தயாரிக்க வேண்டும் என்றும், அதில் அபிஷேக்பச்சன் போலீசாக நடிக்க வேண்டும் என்றும் ரசிகர்கள் கோரிக்கை விடுத்து வருகின்றனர்.
அஜித் ஒரு நிஜ பைக், கார் சேசிங் வீரர் என்பதால் இந்த படம் உருவானால் டூப் இன்றி சேசிங் காட்சிகள் இருக்கும் என்பதே அனைவரின் எதிர்பார்ப்பாக உள்ளது. இப்படி ஒரு படம் உருவாகுமா? என்பதை பொறுத்திருந்து பார்ப்போம்
