4 தொகுதி இடைத்தேர்தல் வேட்பாளர் அறிவிப்பு எப்போது? தினகரன் பதில்
திருப்பரங்குன்றம், ஒட்டப்பிடாரம், அரவக்குறிச்சி மற்றும் சூலூர் ஆகிய 4 தொகுதி இடைத்தேர்தலுக்கான அமமுக வேட்பாளர்கள், வரும் 22-ம் தேதி அறிவிக்கப்படுவார்கள் என அக்கட்சியின் பொதுச்செயலாளர் தினகரன் தெரிவித்துள்ளார்.
மேலும் இடைத்தேர்தல் நடைபெற உள்ள 4 தொகுதிகளுக்கும் பரிசுப் பெட்டகம் சின்னம் வேண்டும் என்று தேர்தல் ஆணையத்துக்கு கடிதம் எழுதியுள்ளதாகவும், அந்த சின்னம் தங்களுக்கு கிடைக்கும் என்றும் தினகரன் நம்பிக்கை தெரிவித்தார்.
மேலும் சசிகலாவின் வரவுக்காக அமமுக தலைவர் பதவியை காலியாக வைத்திருக்கிறோம் என்றும் தினகரன் கூறியுள்ளார்
