கிரேசி மோகன் மறைவிற்கு துணை முதல்வர் ஓபிஎஸ் இரங்கல்!
நடிகர், வசனகர்த்தா, நாடக ஆசிரியர் கிரேஸி மோகன் இன்று மதியம் நெஞ்சு வலி காரணமாக எதிர்பாராத வகையில் மரணம் அடைந்ததால் திரையுலகமே சோகத்தில் மூழ்கியுள்ளது.
கிரேசி மோகனின் மறைவிற்கு திரையுலகினர், அரசியல்வாதிகள் உள்பட பலர் இரங்கல் தெரிவித்து வருகின்றனர். அந்த வகையில் துணை முதல்வர் ஓ.பன்னீர்செல்வம் அவர்கள் தனது சமூக வலைத்தள பக்கத்தில் கிரேசி மோகன் மறைவிற்கு தனது இரங்கலை தெரிவித்துள்ளார். அவர் கூறியதாவது:
தமிழ் திரையுலகில் தனக்கென தனி இடம் பிடித்த கதை, வசன கர்த்தாவும் நகைச்சுவை நடிகருமான கிரேசி மோகன் அவர்கள் உடல்நலக் குறைவால் காலமானார் என்ற செய்தி மிகுந்த அதிர்ச்சியும் மனவேதனையும் அளிக்கிறது. அன்னாரை இழந்து வாடும் அவர்தம் குடும்பத்தினருக்கும் ரசிகர்களுக்கும் எனது ஆழ்ந்த இரங்கல்!
தமிழ் திரையுலகில் தனக்கென தனி இடம் பிடித்த கதை, வசன கர்த்தாவும் நகைச்சுவை நடிகருமான #CrazyMohan அவர்கள் உடல்நலக் குறைவால் காலமானார் என்ற செய்தி மிகுந்த அதிர்ச்சியும் மனவேதனையும் அளிக்கிறது. அன்னாரை இழந்து வாடும் அவர்தம் குடும்பத்தினருக்கும் ரசிகர்களுக்கும் எனது ஆழ்ந்த இரங்கல்! pic.twitter.com/0qH7MefS2F
— O Panneerselvam (@OfficeOfOPS) June 10, 2019
