அரசு மருத்துவர்கள் போராட்டம் வாபஸ்: பேச்சுவார்த்தையில் உடன்பாடு
பல்வேறு கோரிக்கைகளை வலியுறுத்தி கடந்த் நான்கு நாட்களாக அரசு மருத்துவர்கள் போராட்டம் செய்து வந்த நிலையில் நேற்று நடைபெற்ற பேச்சுவார்த்தையில் உடன்பாடு எட்டப்பட்டதையடுத்து அரசு மருத்துவர்களின் வேலைநிறுத்தம் வாபஸ் பெறப்பட்டுள்ளது.
அரசாணைப்படி கூடுதல் ஊதியத்தை உயர்த்தி வழங்குதல் உள்பட 4 அம்ச கோரிக்கைகளை வலியுறுத்தி மருத்துவர்கள் போராட்டத்தில் ஈடுபட்டு வந்த நிலையில் அமைச்சர் விஜயபாஸ்கர் தலைமையில் நேற்று சுமார் 6 மணி நேரம் தலைமை செயலகத்தில் நடைபெற்ற பேச்சுவார்த்தையில் உடன்பாடு எட்டப்பட்டதையடுத்து அரசு மருத்துவர்களின் வேலைநிறுத்தம் வாபஸ் பெறப்பட்டுள்ளது. இதனையடுத்து அனைத்து மருத்துவர்களும் இன்று பணிக்கு திரும்ப உள்ளனர்.
