ரஜினியை திடீரென பாராட்டிய கமலஹாசன்: உள்குத்து என்ன?
சூப்பர் ஸ்டார் ரஜினிகாந்த் அவர்கள் நேற்று பேட்டி அளித்த போது மத்திய அரசை கடுமையாக தாக்கி கண்டனம் தெரிவித்தார். இந்த நிலையில் கமல்ஹாசன் தனது டுவிட்டரில், சபாஷ் நண்பர் ரஜினிகாந்த் அவர்களே, அப்படி வாங்க. இந்த வழி நல்ல வழி. தனி வழி அல்ல, ஒரு இனமே நடக்கும் ராஜ பாட்டை.
வருக, வாழ்த்துக்கள்’ என தெரிவித்துள்ளார்
கமல்ஹாசனின் இந்த பாராட்டில் உள்குத்து இருப்பதாக ரஜினி ரசிகர்கள் தெரிவித்து வருகின்றனர். ராஜ்கமல் பிலிம்ஸ் இண்டர்நேஷனல் நிறுவனத்தின் அடுத்த படத்தில் ரஜினி நடிக்க ஒப்புக்கொண்டதற்காகவும் மத்திய அரசுக்கு எதிராக தொடர்ச்சியாக ரஜினிகாந்தை திருப்பவும், அவர் முயற்சி செய்வதாக குற்றம் சாட்டி வருகின்றனர்
ரஜினிகாந்த் எது உண்மையோ அதையே தான் பேசுகிறார் என்றும் அவர் பலமுறை கண்டிக்க வேண்டிய இடங்களில் கண்டித்து, ஆதரவு தெரிவிக்க வேண்டிய நேரத்தில் ஆதரவு தெரிவித்துள்ளார் என்றும் கமல்ஹாசன் போல் முழுக்க முழுக்க மத்திய அரசை எதிர்க்க வேண்டும் என்ற கொள்கை இல்லாதவர் என்றும் ரஜினி ரசிகர்கள் பதிலடி கொடுத்து வருகின்றனர்
உண்மையிலேயே மத்திய அரசுக்கு எதிராக ரஜினியை திருப்புவதற்கு கமலஹாசன் சதி செய்கிறாரா? என்பது குறித்த கேள்விக்கு காலம்தான் பதில் சொல்ல வேண்டும்
