முக ஸ்டாலினை ‘தளபதி’ என்று அழைத்த ரஜினிகாந்த்:
திமுக பொதுச்செயலாளர் க.அன்பழகன் அவர்கள் மறைவிற்கு அரசியல் தலைவர்கள் மற்றும் திரையுலக பிரபலங்கள் அவரது வீட்டிற்குச் சென்று அஞ்சலி செலுத்தி வரும் நிலையில் சற்று முன்னர் சூப்பர் ஸ்டார் ரஜினிகாந்த் அவர்கள் க.அன்பழகன் அவர்களுக்கு நேரில் அஞ்சலி செலுத்தினார்
அதன்பின் அவர் செய்தியாளர்களை சந்தித்தபோது ’பேராசிரியர் அவர்கள் அரசியல் வாழ்வில் சம்பாதித்தது இரண்டே இரண்டு தான் என்றும், அவை மதிப்பு மற்றும் மரியாதை என்றும் அவர் தெரிவித்தார்
மேலும் அவரை இழந்து வாடும் அவரது குடும்பத்தாருக்கும் எனது அருமை நண்பர் தளபதியாருக்கும் கழகத் தொண்டர்களுக்கும் எனது ஆழ்ந்த அனுதாபங்கள் என்று தெரிவித்தார்
வரும் தேர்தலில் ரஜினி மற்றும் முக ஸ்டாலின் நேருக்கு நேர் மோத உள்ள நிலையில் ஸ்டாலினை தனது அருமை நண்பர் தளபதி என்று அவர் அழைத்தது பெரும் ஆச்சரியத்தை ஏற்படுத்தி உள்ளது
