போனி கபூரின் அடுத்த படத்தில் இணைந்த கோலிவுட் பிரபலங்கள்:

பரபரப்பு தகவல்

பிரபல பாலிவுட் தயாரிப்பாளர் போனி கபூர் தயாரிப்பில் அஜித் நடித்த ’நேர்கொண்ட பார்வை’ என்ற திரைப்படம் சூப்பர் ஹிட்டானது என்பது தெரிந்ததே. அதன் பின்னர் தற்போது அஜித் நடித்து வரும் ’வலிமை’ என்ற படத்தையும் போனிகபூர் தயாரித்து வருகிறார்

இந்த நிலையில் போனிகபூர் தயாரிக்கும் அடுத்த தமிழ் திரைப்படம் குறித்த தகவல்கள் அதிகாரபூர்வமாக அறிவிக்கப்பட்டுள்ளது. ஹிந்தியில் சூப்பர் ஹிட்டான ’ஆர்டிக்கல் 15’ என்ற திரைப் படத்தின் தமிழ் ரீமேக்தான் போனி கபூரின் அடுத்த தமிழ் படம்

உதயநிதி ஸ்டாலின் ஹீரோவாக நடிக்கும் இந்த படத்தை அருண்ராஜ் காமராஜா இயக்கப் போகிறார். இவர் ஏற்கனவே ’கனா’ என்ற சூப்பர் ஹிட் படத்தை இயக்கியவர் என்பது குறிப்பிடத்தக்கது இந்த படத்தில் நடிக்கும் நடிகர் நடிகையர் மற்றும் தொழில்நுட்ப கலைஞர்கள் குறித்த அறிவிப்பு விரைவில் வரும் என போனி கபூர் தனது டுவிட்டரில் தெரிவித்துள்ளார்

இதேபோன்று நல்ல கதையம்சம் கொண்ட படங்களை ரீமேக் செய்வதில் தான் பெருமைப்படுவதாக அவர் குறிப்பிட்டுள்ளார். இந்த படத்தின் படப்பிடிப்பு லாக்டவுன் முடிந்தவுடன் தொடங்கும் என்று எதிர்பார்க்கப்படுகிறது

Happy to announce remake of Article 15 in Tamil starring @Udhaystalin to be directed by Arunraja Kamraj . It’s a @ZeeStudios_ Studios & @BayViewProjOffl Projects Production. We continue the tradition of remaking strong content this time with @mynameisraahul of Romeo pictures. pic.twitter.com/s1umdVaWYH

— Boney Kapoor (@BoneyKapoor) August 22, 2020