டெல்லி சட்டமன்றத் தேர்தலை யொட்டி தேமுதிக வேட்பாளர்களுக்கு ஆதரவாக விஜயகாந்த் வாக்கு சேகரித்து வருகிறார். டெல்லியின் 11 தொகுதிகளில் தேமுதிக போட்டியிடுகிறது. இதை யொட்டி கடந்த புதன்கிழமை மனைவி பிரேமலதாவுடன் டெல்லி சென்ற விஜயகாந்த் தீவிர பிரச்சாரத்தில் ஈடுபட்டுள்ளார்.
தேமுதிக வெற்றி பெற்றால் வசதிகளை செய்து தருவோம்.’ எனக் கூறுகிறார். தனியாகப் பிரச்சாரம் செய்யும் பிரேமலதா, தேமுதிக வெற்றி பெற்றால் டெல்லியின் குடிசைகளை அடுக்கு மாடி வீடுகளாக மாற்றித் தருவதாக வாக்குறுதி அளித்துள்ளார். தனது பிரசாரத்தின்போது இலங்கைத் தமிழர்கள் விவகாரம் தொடர்பாக திமுக, அதிமுகவை கடுமையாக விமர்சித்த விஜயகாந்த், காங்கிரஸை நேரடியாக விமர்சித்துப் பேசவில்லை.
இந்த தொகுதியில்தான் டெல்லி முதல்வர் ஷீலா தீட்சித், பாரதிய ஜனதா கட்சியின் மாநில செயலாளர் விஜய் கோயல், ஆம் ஆத்மி கட்சியின் அரவிந்த் கெஜ்ரிவால் ஆகியோரிடையே மும்முனைப் போட்டி நிலவுகிறது.
டெல்லியில் வாழும் தமிழர்களின் எண்ணிக்கையில் வாக்குரிமை பெற்றவர்கள் சுமார் இரண்டு லட்சம் பேர் மட்டுமே எனக் கூறப்படுகிறது. இவர்களும் பல்வேறு தொகுதிகளில் பரவலாக வசிக்கின்றனர்.
