விர்கோ ஈவண்ட் மேனேஜ்மெண்ட் நடத்திய 14வது திருமதி சென்னை பட்டத்திற்கான போட்டியும், மிஸ் தமிழ்நாடு மற்றும் மிஸஸ் தமிழ்நாடு பட்டத்திற்கான போட்டியும் கடந்த 22ஆம் தேதி சென்னையில் உள்ள ஸ்பென்ஸர் பிளாசா வளாகத்தில் மிகச்சிறப்பாக நடைபெற்றது.
மிஸஸ் சென்னை போட்டியில் கலந்துகொள்ள ஏராளமான திருமணமான பெண்கள் ஆர்வத்துடன் கலந்துகொண்டு பாட்டு பாடுதல், நடனம் ஆடுதல் போன்ற தங்களுடைய திறமைகளை வெளிப்படுத்தினர். அதுபோலவே மிஸ் தமிழ்நாடு மற்றும் மிஸஸ் தமிழ்நாடு போட்டிக்கும் ஏராளமான பெண்கள் கலந்து கொண்டனர்.
இந்த போட்டி ஸ்பென்ஸர் பிளாசாவின் மூன்றாவது தளத்தில் மிகச்சிறப்பாக நடைபெற்றது. இதையடுத்து, வரும் ஜனவரியில் இரண்டாவது சுற்று போட்டிகள் நடத்தப்படும் என்றும் அந்த போட்டியின் முடிவில் வெற்றி பெற்றவர்கள் முறைப்படி அறிவிக்கப்படுவார்கள் என்றும் நிகழ்ச்சி ஏற்பாட்டாளர்கள் கூறினர். இந்த போட்டியை நடிகை நீலிமா மிகச்சிறப்பாக தொகுத்து வழங்கினார். இவர் காவலன் படத்தில் நடிகர் விஜய்க்கு ஜோடியாக நடித்திருப்பவர் என்பது குறிப்பிடத்தக்கது.
ஜனவரியில் நடக்கவிருக்கும் இறுதிப்போட்டிக்கு நடுவர்களாக பூர்ணிமா பாக்யராஜும், நடிகை லதாவும் நியமிக்கப்பட்டுள்ளதாக அறிவிக்கப்பட்டது. இந்த போட்டி குறித்து மேலும் தகவல் பெறுவதற்கு 99410 18210 மற்றும் 9841483511 ஆகிய எண்களை தொடர்பு கொள்ளவும்.
