10ஆம் வகுப்பு மற்றும் 12ஆம் வகுப்பு தேர்வு முடிவுகள் வெளியாகும் தேதி குறித்த அறிக்கை ஒன்றை இன்று தமிழக அரசின் தேர்வுத்துறை இயக்ககம் அறிவித்துள்ளது. அதன்படி மே 9-ந்தேதி 12-ம் வகுப்பு தேர்வு முடிவும், மே 23-ந்தேதி 10-ம் வகுப்பு தேர்வு முடிவும் வெளியாகும் என்று கூறப்பட்டுள்ளது.
12ஆம் வகுப்பு மாணவர்களுக்கான தேர்வுகள் ஏற்கனவே முடிவடைந்த நிலையில் தற்போது 10ஆம் வகுப்பிற்கான தேர்வுகள் நடந்து வருகிறது. இந்த தேர்வுகள் ஏப்ரல் 9ஆம் தேதியுடன் முடிவடைகிறது.
தேர்தல் சமயமாக இருப்பதால், தேர்தல் பணிக்கு ஆசிரியர்கள் செல்லவேண்டிய நிலை உள்ளது. எனவே இவ்வருடம் முன்கூட்டியே தேர்வுத்தாள்கள் திருத்தப்பட்டு, தேர்வு முடிவுகளை அறிவிக்க தமிழக அரசின் தேர்வுத்துறை இயக்ககம் முடிவு செய்துள்ளது.
வழக்கம்போல் தேர்வு முடிவுகளை இணையதளத்திலும் பார்த்து தெரிந்து கொள்ளலாம். இணையதள முகவரி பின்னர் தெரிவிக்கப்படும் என அரசுத் தேர்வுகள் இயக்ககம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
