தெலுங்கில் சமீபத்தில் ரிலீஸாகி மாபெரும் வெற்றி பெற்ற திரைப்படம் ‘மனம்’. இந்த திரைப்படத்தில் நாகேஸ்வரராவ், நாகார்ஜுனா, நாக சைதன்யா ஆகிய மூன்று தலைமுறை நடிகர்கள் நடித்துள்ளனர். இந்த படத்தில் நடித்துக்கொண்டிருக்கும்போதுதான் நாகேஸ்வரராவ் மரணம் அடைந்தார் என்பது குறிப்பிடத்தக்கது.
கடந்த மாதம் ரிலீஸான இந்த படம் தெலுங்கு படவுலகில் மாபெரும் வசூலை பெற்றது. தற்போது இந்த படத்தை தமிழில் ரீமேக் செய்ய கமல்ஹாசன் முடிவு செய்துள்ளார். நாகேஸ்வரராவ் நடித்த கேரக்டரில் கமல்ஹாசனும், நாகார்ஜுனா நடித்த வேடத்தில் மாதவனும் நடிக்க இருக்கின்றனர். ஏற்கனவே இருவரும் அன்பே சிவம், மன்மதன் அம்பு ஆகிய திரைப்படங்களில் நடித்துள்ளனர் என்பது குறிப்பிடத்தக்கது. நாக சைதன்யா நடித்த வேடத்தில் நடிக்க பாக்யராஜ் மகன் சாந்தனு பரிசீலனையில் உள்ளார்.
ஏற்கனவே கமல்ஹாசன் த்ரிஷ்யம் ரீமேக் படத்தில் நடிக்க உள்ளார். உத்தம வில்லன் படப்பிடிப்பை அடுத்து மனம் த்ரிஷ்யம் ரீமேக் படம் ஆரம்பமாக உள்ளது. அதன்பின்னர் மனம் ரீமேக் படப்பிடிப்பு நடைபெறும் என கூறப்படுகிறது.
