கோச்சடையான் திரைப்படத்தை அடுத்து ரஜினிகாந்த், அனுஷ்கா, சோனாக்ஷி சின்ஹா நடிப்பில் கே.எஸ்.ரவிகுமார் இயக்கி வரும் ‘லிங்கா’ படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது. ரஜினிகாந்த்தின் பிறந்தநாளான டிசம்பர் 12ஆம் தேதி லிங்கா ரிலீஸ் ஆகும் என படத்தயாரிப்பாளர் ராக்லைன் வெங்கடேஷ் தெரிவித்துள்ளார். முன்னதாக இந்த திரைப்படம் தீபாவளி தினத்தில் திரையிடப்படலாம் என செய்திகள் வெளிவந்திருந்தன.
ஏ.ஆர்.ரஹ்மானின் இசையமைப்பில் ஆறு பாடல்கள் ஒலிப்பதிவு செய்யப்பட்டுவிட்டதாகவும், படப்பிடிப்பு சுமார் 40 சதவிகிதம் முடிந்துவிட்டதாகவும், கூறிய இயக்குனர் கே.எஸ்.ரவிகுமார், டிசம்பரில் திட்டமிட்டபடி கண்டிப்பாக ‘லிங்கா’ ரிலீஸ் ஆகும் என்றும் தெரிவித்தார்.
இரண்டு பாடல்கள் வெளிநாட்டில் படமெடுக்க இருப்பதாகவும் ரஜினிகாந்தின் உடல்நிலை கருதி அருகில் உள்ள நாடுகளுக்கு செல்ல இருப்பதாகவும், அனேகமாக மாலத்தீவு அல்லது சிங்கப்பூரில் படப்பிடிப்பு நடத்தப்படலாம் என படக்குழுவினர் தெரிவித்தனர்.
