நல்ல கொள்கையை, மன உறுதியுடன் பின்பற்றும் மேஷ ராசிக்காரர்களே!
இந்த வாரம், உங்கள் ராசிக்கு இரண்டு, மூன்று ஆறாம் இடங்கள் முறையே சுக்கிரன், சூரியன் செவ்வாய் ராகுவின் அனுகூல அமர்வு உள்ளது. உங்களின் வெகுநாள் லட்சியக்கனவை, இனிய அணுகுமுறையால் நிறைவேற்றுவீர்கள். பணவரவும், நன்மையும் அதிகரிக்கும். அக்கம், பக்கத்தவருடன் நல்அன்பு மலரும். வீடு வாகனத்தில் பயன்பாட்டுவசதிதிருப்திகரமாகும்.புத்திரர் படிப்பு வேலைவாய்ப்பில் முன்னேற்றம் காண்பர். வம்பு, விவகாரம் அணுகாத சுமுகவாழ்வு உருவாகும். இல்லறத்துணை ஒற்றுமை மனதுடன் உதவுவார். தொழில், வியாபாரத்தில் அபிவிருத்தி பணி நிறைவேறும். பணியாளர் சுறுசுறுப்பாக செயல்பட்டு பணி இலக்கு நிறைவேற்றுவர். குடும்ப பெண்கள், அத்தியாவசிய வீட்டு உபயோகப்பொருள் வாங்குவர். மாணவர்கள், ஆசிரியரின் வழிகாட்டுதல் ஏற்று நடந்துகொள்வர்.
சந்திராஷ்டமம்: 8.7.14 மாலை 5:17 மணி முதல் 10.7.14 இரவு 9:49மணி வரை
பரிகாரம்: நாகதேவதையை வழிபடுவதுடன், ஊனமுற்ற சிறுவர்களுக்கு உதவலாம்.
சான்றோரை மதித்து, அன்புடன் பழகுகின்ற ரிஷப ராசிக்காரர்களே!
இந்த வாரம், உங்கள் ராசியில் சுக்கிரன், ஆறாம் இடத்தில் சனி, லாப ஸ்தானத்தில் கேது அனுகூலபலன் தருகின்றனர். உங்கள் நடை, உடை, செயல்களில் புதிய வசீகரம் ஏற்படும். சிலர் பொறாமை குணத்துடன், அவமதிக்கும் எண்ணத்துடன் விமர்சிப்பர். பொறுமையுடன் விலகுவது நல்லது. வீடு, வாகனத்தில் கூடுதல் பாதுகாப்பு பின்பற்ற வேண்டும்.புத்திரரின் அலட்சிய செயலை கண்டிப்பதில் நிதானம் வேண்டும். உடல் நல ஆரோக்கியம் சீராக இருக்கும். இல்லறத்துணையுடன் விருந்து, விழாவுக்கு சென்று வருவீர்கள். தொழில், வியாபாரத்தில் சமயோசித செயலால் உற்பத்தி, விற்பனை அதிகரிக்கும். பணியாளர்களுக்கு ஓரளவு சலுகை கிடைக்கும். பெண்கள், குடும்ப உறுப்பினர்களின் நலன் சிறக்க பாடுபடுவர். மாணவர்கள், படிப்பு கண்களின் பாதுகாப்பில், கூடுதல் கவனம் வேண்டும்.
சந்திராஷ்டமம்: 10.7.14 இரவு 9:50 மணி முதல்12.7.14 அன்று நாள் முழுவதும்
பரிகாரம்: பெருமாளை வழிபடுவதுடன், இனிப்பு பதார்த்தம் நிவேதனம் செய்து பக்தர்களுக்கு வழங்கலாம்.
தன்னிடம் பழகுபவர்களுக்கு, உள்ளன்புடன் உதவும் மிதுன ராசிக்காரர்களே!
இந்த வாரம், உங்கள் ராசிக்கு இரண்டாம் இடத்தில் தேவகுரு வியாழன், பன்னிரெண்டாம் இடத்தில் அசுரகுருவாகிய சுக்கிரன் ராசிக்கு, அரண்போல அமைந்து பாதுகாக்கின்றனர். இதனால் வாழ்வில் புதிய நன்மைகளும், மதிப்பு, மரியாதையும் கிடைக்கும். சிலர் உங்களை புகழ்ந்து பேசி சுயலாபம் பெற முயற்சிப்பர். அவர்களிடம் கவனமுடன் பழகவும். வாகன பராமரிப்பு பயணமுறையை இலகுவாக்கும்.புத்திரரின் மனக்குழப்பம் சரி செய்ய உதவுவீர்கள். உடல் நலத்திற்கு ஒவ்வாத உணவு தவிர்க்கவும். இல்லறத்துணை விரும்பிய பொருள் வாங்கித் தருவீர்கள். தொழில், வியாபார வளர்ச்சிப் பணிக்கு பணஉதவி கிடைக்கும். பணியாளர் தொழில் நுட்பத்திறன் வளர்த்திடுவர். பெண்கள், கணவரின் கருத்துகளை ஏற்று நடப்பர். மாணவர்கள், பாதுகாப்பு குறைந்த இடங்களில் செல்ல வேண்டாம்.
பரிகாரம்: பைரவரை வழிபடுவதுடன் தலைச்சுமையாக, பொருட்கள் விற்பவர்களுக்கு உதவலாம்
உண்மையும், உழைப்பும் நல்வாழ்வு தரும் என்கின்ற, கடக ராசிக்காரர்களே!
இந்த வாரம்,உங்கள் ராசிக்கு மூன்றாம் இடத்தில் செவ்வாய், ராகு ஆதாய ஸ்தானத்தில் சுக்கிரன் அனுகூலமாக உள்ளனர். முக்கிய செயல் நிறைவேற, இஷ்ட தெய்வ அருள் பலம் துணை நிற்கும். உடன் பிறந்தவர்களின் வாழ்வு வளம் பெற உதவுவீர்கள். வாகனத்தில் மிதவேகம் பின்பற்றவும்.புத்திரர் படிப்பில் முன்னேற்றம் பெற, புதிய வாய்ப்பு உருவாகும். எதிர்மறை எண்ணங்களை தவிர்த்து, வளர்ச்சிப் பாதையில் நடைபோடுவீர்கள். இல்லறத்துணை, நண்பருக்கு இணையாக அன்பு பாராட்டி ஆலோசனை சொல்வார். தொழில், வியாபாரத்தில் இடையூறு விலகி வளர்ச்சியும், பணவரவும் கூடும். பணியாளர் சக பணியாளரின் அன்பு, உதவியினால் மனம் மகிழ்வர். குடும்ப பெண்கள், பிள்ளைகளின் தேவை நிறைவேற்ற அக்கறையுடன் செயல்படுவர். மாணவர்களுக்கு அன்பு திறமை உள்ள மாணவரின் நட்பு கிடைக்கும்.
பரிகாரம்: மாரியம்மனை வழிபடுவதுடன், சர்க்கரைப் பொங்கல் நிவேதனம் செய்து பக்தர்களுக்கு வழங்கலாம்.
தெய்வ நம்பிக்கையும், ஆராய்ந்து செயல்புரியும் குணமும் உள்ள, சிம்ம ராசிக்காரர்களே!
இந்த வாரம், உங்கள் ராசிக்கு மூன்றாம் இடத்தில் உச்சம் பெற்ற சனி, ஆதாய ஸ்தானத்தில் ஆட்சி பலத்துடன் உள்ள புதனுடன், சூரியன் அனுகூலமாக உள்ளனர். பிறர் மனம் ஏற்றுக் கொள்ளும் வகையில் பேசுவதால், சமூகத்தில் நற்பெயரை பாதுகாக்கலாம். புதிய முயற்சி நிறைவேற்ற, தேவையான அனைத்து வகையான உதவிகளும் கிடைக்கும். அறிமுகம் இல்லாதவருக்கு வீடு, வாகனத்தில் இடம் தர வேண்டாம்.புத்திரர் விரும்பிய பொருள் வாங்குவதில், பிடிவாத குணத்துடன் அணுகுவர். எதிரிக்கும் உங்கள் உதவி தேவைப்படலாம். இல்லறத்துணையின் உடல்நலத்தில் கவனம் வேண்டும். தொழிலில் உற்பத்தி, விற்பனை சராசரி அளவில் இருக்கும். பணியாளர்களுக்கு சலுகை கிடைக்கும். பெண்கள், நகை இரவல் கொடுக்க, வாங்க வேண்டாம். மாணவர்கள், புதியவர்களிடம் பேசுவதில் நிதானம் பின்பற்ற வேண்டும்.
பரிகாரம்: சூரிய பகவானை வழிபடுவதுடன், பார்வை குறைபாடு உள்ள முதியவருக்கு உதவலாம்.
குடும்பத்தின் நன்மைக்காக, நாளும் பணிபுரியும், கன்னி ராசிக்காரர்களே!
இந்த வாரம், உங்கள் ராசிக்கு தர்மகர்ம ஸ்தான அதிபதிகளாகிய சுக்கிரன், புதன் ஆட்சி பலத்துடன் உள்ளனர். சூரியன், குரு கூடுதல் நற்பலன் வழங்குகின்றனர். மனதில் உருவாகிற குழப்பமான சிந்தனைகளுக்கு, சான்றோரின் விளக்கம் தீர்வாக அமையும். தம்பி, தங்கையின் வாழ்வு வளம் பெற, இயன்ற அளவில் உதவுவீர்கள். வெளியூர் பயணம் புதிய அனுபவம் தரும்.புத்திரர் உங்கள் சொல்படி நடந்து கொள்வர். இல்லறத்துணை அன்பு, பாசத்துடன் குடும்ப நலனில் அக்கறை கொள்வர். தொழில், வியாபாரம் செழித்து உபரி பணவரவு கிடைக்கும். பணியாளர்களுக்கு, கூடுதல் வேலைவாய்ப்பு உண்டு. பெண்கள், குடும்பத்தில் மகிழ்ச்சி தர சூழ்நிலை அமைந்து, சந்தோஷ வாழ்வு நடத்துவர். மாணவர்கள், உத்வேகமுடன் படித்து சிறந்த தேர்ச்சி பெறுவர்.
பரிகாரம்: சனி பகவானை வழிபடுவதுடன், காகத்திற்கு தயிர், எள் கலந்த சாதம் வைக்கலாம்.
மனதில் உள்ளதை வெளிப்படையாக பேசும் துலாம் ராசிக்காரர்களே!
இந்த வாரம், உங்கள் ராசிக்கு ஆறு, எட்டாம் இடங்களில் முறையே கேது, சுக்கிரனின் அனுகூல அமர்வு உள்ளது. சுக்கிரன் ராசிநாதன் ஆதலால் உங்கள் வாழ்வு வளம் பெற, தேவையான நன்மை அத்தனையும் தாராளமாக வழங்குவார். வீண் பேச்சு பேசுபவரிடம் விலகுவது நல்லது. உடன் பிறந்தவர் தன் சூழ்நிலைக்கு ஏற்ப, உதவிகரமாக நடந்து கொள்வர். வாகன பயன்பாடு அளவுடன் இருக்கும். புத்திரரின் சந்தேகங்களுக்கு பொறுமையுடன் பதில் சொல்வது, ஒற்றுமை பலம் பெற உதவும். ஒவ்வாத உணவு வகை உண்ண வேண்டாம். இல்லறத்துணை வழி சார்ந்த உறவினர், உங்களின் நல்ல குணம் பாராட்டுவர். தொழில், வியாபார நடைமுறையில் உள்ள அனுகூலம் பாதுகாப்பது நல்லது. இயந்திரப் பிரிவு பணியாளர்கள், விழிப்புணர்வுடன் செயல்பட வேண்டும். பெண்கள், குடும்பத்தின் பணவரவுக்கேற்ப செலவு செய்வர். மாணவர்கள், உயர்வு தாழ்வு பேசுபவரிடம் விலகுவது நல்லது.
பரிகாரம்: தன்வந்திரி பகவானை வழிபடுவதுடன், ஏழைச்சிறுவர் மருத்துவச் செலவுக்கு உதவலாம்
தன் உதவியை மறந்தவருக்கும், மரியாதை தரும் விருச்சிக ராசிக்காரர்களே!
இந்த வாரம், உங்கள் ராசிக்கு புதன், குரு,செவ்வாய்,ராகுவின் அமர்வு நிலை சிறப்பாக உள்ளது. புதிய முயற்சிகளை வெற்றிகரமாக செயல்படுத்துகிற வழிமுறை கண்டறிவீர்கள். புதியவர்களின் அன்பு, ஆதரவு ஊக்கம் தரும். வீடு, வாகனத்தில் பராமரிப்பு பணி கூடுதல் பயன்பாட்டு வசதி பெற உதவும். புத்திரரின் சேர்க்கை சகவாசம் அறிந்து, வழி நடத்துவது நன்மை தரும். எதிரியால் உருவாகிற தொந்தரவு விலகும். இல்லறத்துணையின் மனதில் நம்பிக்கை வளர்ப்பது அவசியம். தொழில், வியாபாரத்தில் போட்டியை மன உறுதியுடன் செயல்பட்டு வெல்வீர்கள். பணியாளர்கள், கடமை உணர்ந்து பணிபுரிவீர்கள். பெண்கள், உறவினர் குடும்ப விவகாரங்களில் கருத்து சொல்ல வேண்டாம். மாணவர்கள், படிப்பில் புதிய சிந்தனை வளர்த்துக் கொள்வர்.
பரிகாரம்: முருகப் பெருமான வழிபடுவதுடன், உடல் ஆரோக்கியம் உள்ள ரத்த தானம் வழங்கலாம்.இருப்பதைக் கொண்டு சிறப்புடன் வாழ்ந்திடும், தனுசு ராசிக்காரர்களே!
இந்த வாரம், உங்கள் ராசிக்கு லாப ஸ்தானத்தில் உள்ள, சனி பகவான் மற்றும் தினகதி சுழற்சி கிரகம் சந்திரன் மட்டுமே, நற்பலன் வழங்குகின்றனர். மனதில் சிறிதளவும், கர்வம் வராத அளவில் செயல்படுவது நல்லது. குடும்பத்திற்கான பணச்செலவு அதிகரிக்கும். உறவினர்களின் விதண்டாவாத பேச்சு மனதில் வருத்தம் தரும். சிலருக்கு வீடு, வாகன கடன் நிர்பந்தம் தரலாம். புத்திரரிடம், உங்களின் கடந்த கால நிகழ்வுகளை விளக்கி சொல்வதில், நிதானம் வேண்டும். எதிர்மறை குணம் உள்ளவரின், தொந்தரவான செயலை சமாளித்து நன்மை பெறுவீர்கள். இல்லத்துணையின் உடல் நலத்திற்கு, மருத்துவ சிகிச்சை உதவும். தொழில், வியாபாரத்தில், பணப்பரிவர்த்தனை மற்றும் பாதுகாப்பு அம்சங்களில் கூடுதல் கவனம் வேண்டும். பணியாளர்கள், நிர்வாகத்தின் சட்டதிட்டம் தவறாமல் பின்பற்றவும். குடும்ப பெண்கள், கணவரின் சம்மதமின்றி எவருக்கும் பணப்பொறுப்பு ஏற்க கூடாது. மாணவர்கள், புதியவரை நண்பராக ஏற்பதில் நிதானம் வேண்டும்.
பரிகாரம்: குரு பகவானை வழிபடுவதுடன், கொண்டக்கடலை சுண்டல் நிவேதனம் செய்து பக்தர்களுக்கு வழங்கலாம்.
ன்னை நம்பியவரிடம் பரிவும், பாசமும் கொண்ட, மகர ராசிக்காரர்களே!
இந்த வாரம், உங்கள் ராசிக்கு சனி, செவ்வாய், ராகு தவிர மற்ற கிரகங்கள் வியத்தகு நற்பலன் வழங்குகின்றனர். தெய்வ பலமும், நல்லோரின் ஆசியும் பரிபூரணமாக கிடைக்கும். நிலுவைப்பணம் வசூலாகும். குடும்பத்தில் மங்கல நிகழ்வு உருவாகும். புதிய வீடு, வாகனம் வாங்குவதில் நிதான அணுகுமுறை வேண்டும். புத்திரர் நற்குண, நற்செயல்களால் பெருமை தேடித் தருவர். உடல் நல ஆரோக்கியம் பலம்பெறும். இல்லறத்துணையுடன் விருந்து, விசேஷம், தெய்வ வழிபாடுகளில் கலந்து கொள்வீர்கள். தொழில், வியாபாரத்தில் அபிவிருத்தி பணி, தாராள பணச்செலவில் மேற்கொள்வீர்கள். பணியாளர்கள் சிறப்பாக பணிபுரிந்து பாராட்டு, வெகுமதி பெறுவர். பெண்கள், குடும்ப பணவசதிக்கு ஏற்ப புத்தாடை, அணிகலன் வாங்குவர். மாணவர்கள், விஷப் பிராணிகளிடம் விலகுவது நல்லது.
பரிகாரம்: சிவபெருமானை வழிபடுவதுடன், சிவனடியார்க்கு புத்தாடை வழங்கலாம்.
வாழ்வில் இன்பம், துன்பம் பக்குவ மனதுடன் ஏற்கும், கும்ப ராசிக்காரர்களே!
இந்த வாரம், உங்கள் ராசிக்கு சுக்கிரன், சந்திரன் மட்டுமே நற்பலன் வழங்குகின்றனர். எந்த செயலிலும் நிதானம், அறிவுத்திறமையை துணையாக கொள்ள வேண்டும். உங்கள் மீது பொறாமை கொண்ட சிலர் சொல்லும் அவதுாறு பேச்சுக்களை மன உறுதியுடன் சரிசெய்வது அவசியம். உடன்பிறந்தவர்கள் ஓரளவு உதவிகரமாக செயல்படுவர். வாகனத்தில் மிதவேகம் பின்பற்றவும். புத்திரர் தம் தேவை நிறைவேற்ற பிடிவாத குணத்துடன் நடந்து கொள்வர். காலமுறை உணவுப்பழக்கம், சீரான ஓய்வு உடல்நலம் பாதுகாக்க உதவும். இல்லறத் துணையின் ஆதரவு வார்த்தை மனம், வாழ்வில் நம்பிக்கை தரும். தொழிலில் உற்பத்தி, விற்பனை சுமாராக இருக்கும். பணியாளர்கள், நேரம் தவறாமல் பணிபுரிவது நற்பெயரை பாதுகாக்கும். பெண்கள், சேமிப்பு பணத்தில் குடும்பத்தின் சிறு தேவை நிறைவேற்றுவர். மாணவர்கள், நண்பரின் உதவியால் படிப்பில் முன்னேற்றம் காண்பர்.
பரிகாரம்: கிருஷ்ணரை வழிபடுவதுடன் ஏழை மாணவர்களுக்கு நோட்டு புத்தகம், எழுது பொருட்கள் வழங்கலாம்.சேவைப் பணிபுரிந்து, புண்ணியபலன் பெறும், மீன ராசிக்காரர்களே!
இந்த வாரம், உங்கள் ராசிக்கு சுக்கிரன், புதனின் அமர்வு ஆட்சி பலத்துடனும், குருவின் அமர்வு உச்ச பலத்துடனும் அனுகூலமாக உள்ளது. உடல் நல ஆரோக்கியம் பலம் பெற்று, பணிகளில் சுறுசுறுப்பாக ஈடுபடுவீர்கள். தோற்றப் பொலிவு சிறப்பாக அமைந்து, புதியவர்களின் அறிமுகம் உதவி கிடைக்கும். குடும்பத்தில் ஒற்றுமை, வீட்டில் மகிழ்ச்சி நிறைந்திருக்கும். புத்திரரின் அறிவுப்பூர்வமான சொல்லும், செயலும் அவரது எதிர்கால வாழ்வுக்கு உதவும் வகையில் அமையும். இல்லறத்துணை, உங்களின் அன்பு நிறைந்த செயல்களை பாராட்டவார். தொழில், வியாபாரத்தில் வளர்ச்சி பெற, அனுகூல காரணி பலம் பெறும். பணியாளர்களுக்கு எதிர்பார்த்த சலுகை வந்து சேரும். பெண்கள், உறவினர் குடும்பத்தில் மங்கல நிகழ்ச்சி நடத்த உதவுவர். மாணவர்கள், புதிய பயிற்சி முறையால் படிப்பில் சிறப்பிடம் பெறுவர்.
சந்திராஷ்டமம்: 5.7.14 இரவு 12:01 மணி முதல்8.7.14 மாலை 5:16 மணி வரை
பரிகாரம்: ஆஞ்ச நேயருக்கு வெண்ணெய் சாற்றி, வழிபாடு செய்து, பக்தர்களுக்கு பிரசாதம் வழங்கலாம்.
