கடந்த னிக்கிழமை இரவு நடைபெற்ற ‘விஜய் அவார்ட்ஸ்’ விருதுகள் வழங்கும் விழா சென்னை நேரு உள்விளையாட்டு அரங்கில் நடைபெற்றது. இதில் ஷாருக்கான், கமல்ஹாசன், விஜய், சூர்யா, நயன்தாரா, ஹன்சிகா உள்ளிட்ட முக்கிய திரையுலக நட்சத்திரங்கள் பங்கேற்றனர்.
இந்த விழாவில் “ரசிகர்களின் விருப்பத்தற்குரிய நடிகர்” என்ர விருது, நடிகர் விஜய்க்கு வழங்கப்பட்டது. இயக்குநர் ஏ.ஆர்.முருகதாஸிடம் இருந்த இந்த விருதினை பெற்றுக்கொண்ட பின்னர் விஜய் பேசியதாவது:
“விஜய் டி.வி மகேந்திரன் என்னைச் சந்தித்து நீங்கள் இந்தவிழாவிற்கு வர வேண்டும் என்று கூறினார். ஆனால் நீங்கள் விருதுக் கொடுத்தாலும் இந்த விழாவிற்கு வர எனக்கு விருப்பமில்லை என்று கூறினேன்.
அதன்பின்னர் உங்களுக்கு ரசிகர்களின் விருப்பத்தற்குரிய நடிகர் விருதினை ‘தலைவா’ படத்திற்காக வழங்க இருக்கிறோம் என்று கூறினார். ‘தலைவா’ படத்திற்காக மட்டுமே இங்கு கலந்து கொள்கிறேன்.
‘தலைவா’ படம் நன்றாக போகியிருந்தால் இந்த விருதினை வாங்க வந்திருக்க மாட்டேன். எனது மனதிற்கு மிகவும் நெருக்கமான படம் ‘தலைவா’. நல்ல போயிருக்க வேண்டிய படம். மக்கள்தான் ஒரு படம் நல்ல இருக்கிறதா இல்லையா என்று தீர்மானிக்க வேண்டும். சூழ்நிலைகள் அல்ல. சூழ்நிலைகள் காரணமாக மட்டுமே சரியா போகவில்லை. இந்த விருது எனக்கு கிடைத்ததிற்கு முக்கிய காரணம் ‘தலைவா’ படம் தான்” என்றார்.
“உங்களுக்குப் பிடித்தது ‘இளைய தளபதி’ பட்டமா அல்லது ‘அடுத்த சூப்பர் ஸ்டார்’ பட்டமா” என்ற கேள்விக்கு பதிலளித்த விஜய், “எனக்கு முதலில் கொடுத்த பட்டமேபோதும். ‘அடுத்த சூப்பர் ஸ்டார்’ பட்டம் என்பது மிகப் பெரிய அங்கீகாரம்தான்.
சினிமாவில் எனக்கும் ஓர் இடம் வேண்டும்தான் ஆசைப்பட்டனே தவிர, கண்டிப்பாக அடுத்த ‘சூப்பர் ஸ்டார்’ பட்டத்திற்கு ஆசைப்படவில்லை. என்னை விட நன்றாக நடிக்கிறவங்க, அழகா இருக்கிறவங்க நிறைய பேர் இருக்காங்க. எப்பவுமே நான் ஒரு சாதாரணமான ஆள்தான்.
என்னை விட தகுதியும் திறமையும் இருக்கும் பல பேர் கோல் போஸ்டுக்கு அருகில் தயாராக இருக்கிறார்கள். வாய்ப்பும் சூழ்நிலையும் வரும்போது அவர்களும் கோல் போடுவார்கள். ஆனால், கோல் போடும்போது பந்துமட்டுமே உள்ளே செல்ல வேண்டுமே தவிர அவர்களுக்கும் சேர்ந்து உள்ளே போகக் கூடாது. தலைக்கு கிரீடம் வரும் போது அதன் கனத்தை தலைக்கு உள்ளே எடுத்துச் செல்ல கூடாது” என்றார் நடிகர் விஜய்.
விஜய் தல என்று பேசும்போது ரசிகர்கள் கரகோஷம் மிக அதிகமாக இருந்தது. அவர் அஜீத்தைதான் மறைமுகமாக தாக்குவதாக நினைத்துக்கொண்டு ரசிகர்கள் ஒருசில நிமிடங்கள் கரகோஷம் செய்தனர். அதன்பின்னர் நிலைமையின் விபரீதத்தை உணரந்த விஜய், தனது பேச்சை உடனடியாக முடித்துக்கொண்டார்.
