[carousel ids=”38073,38074,38075,38076,38077,38078,38079,38080″]
சீனாவில் கப்பலுக்கு பொருட்களை ஏற்றிச் சென்றுகொண்டிருந்த கண்டெய்னர் ஒன்றின் மீது மிக வேகமாக வந்த கார் ஒன்று மோதிய விபத்தில் கார் அப்பளமாக நொறுங்கியது. ஆனால் அந்த காரில் பயணம் செய்த இளம்பெண் உள்பட இருவர் சிறுகாயங்களுடன் அதிர்ஷ்டவசமாக தப்பித்த சம்பவம் ஒன்று நடந்துள்ளது.
சீனாவின் கிழக்கு பகுதியில் உள்ள குயிங்டாவோ ( Quingdao ) என்ற பகுதியில் கண்டெய்னர் ஒன்றின் பின்பகுதியில் மிகவேகமாக வந்த கார் ஒன்று பயங்கரமாக மோதியது. இந்த விபத்தில் கண்டெய்னரின் அடிப்பகுதியில் கார் சிக்கிக்கொண்டது. அப்பளமாக நொறுங்கிய இந்த காரில் பெண் உள்பட இருவர் பயணம் செய்திருந்தனர்.
இந்த விபத்து குறித்து தகவல் அறிந்தவுடன் மீட்புப்படையினர் விரைந்து வந்தனர். மீட்புப்படையினர் காரை கண்டெய்னரின் அடிப்பகுதியில் இருந்து எடுத்தபோது உள்ளே இருந்து இரண்டு பேர்களின் முனகல் சத்தம் கேட்டது. உடனடியாக காரை வெளியே எடுத்து காரின் உள்ளே வெறும் 60செமீ இடைவெளியில் சிக்கிக்கொண்டிருந்த இருவரையும் மீட்புப்படையினர் வெளியே எடுத்தனர். அதிர்ஷ்டவசமாக சிறிய காயங்களுடன் அவர்கள் இருவரும் உயிர் தப்பினர் என்பது குறிப்பிடத்தக்கது. இந்த விபத்து குறித்து சீன போலீஸார் விசாரணை செய்துகொண்டு வருகின்றனர்.
