நடிகை காஜல் அகர்வால் தமிழ், தெலுங்கு படங்களில் மட்டுமின்றி பாலிவுட்டிலும் வெற்றிகரமாக வலம் வரும் நடிகையாக உள்ளார். கடந்த 2004 ஆம் ஆண்டு Kyun Ho Gaya Na என்ற படத்தின் மூலம் அறிமுகமான காஜல் அகர்வால், அதன்பின்னர் சிங்கம், ஸ்பெஷல் 26 ஆகிய திரைப்படங்களில் நடித்துள்ளார். சமீபத்தில் ஷர்மான் ஜோஷியுடன் காஜல் அகர்வால் நடித்த Cease Fire மாபெரும் வெற்றி பெற்றது என்பது குறிப்பிடத்தக்கது.
தற்போது காஜல் அகர்வால் சுதிர் மிஷ்ரா இயக்கத்தில் ஒரு திடைப்படத்தில் நடிக்க ஒப்பந்தம் ஆகியுள்ளார். நகைச்சுவை மற்றும் ரொமாண்டிக் திரைப்படமாக உருவாகும் இந்த படத்தில் காஜல் அகர்வால் ஷைனி அஹுஜாவுக்கு ஜோடியாக நடிக்கிறார். பாலிவுட்டின் நடிகர் ஷைனி அஹுஜா கடந்த வருடம் தனது உதவியாளராக வேலை செய்த இளம்பெண் ஒருவரை கற்பழித்ததாக குற்றம் சாட்டப்பட்டு சிறைக்கு சென்றவர் என்பது குறிப்பிடத்தக்கது. தற்போது ஜாமீனில் இருக்கும் அவர் இந்த படத்தில் நடிக்க ஒப்பந்தமாகி உள்ளார். காஜல் அகர்வாலும், ஷைனி அஹுஜாவும் கணவன் மனைவியாக இந்த படத்தில் நடிக்கின்றனர்.
கற்பழிப்பு குற்றவாளியுடன் ஜோடியாக நடிக்க வேண்டாம் என காஜல் அகர்வாலின் நட்பு வட்டாரங்கள் பலர் அவருக்கு அறிவுரை கூறினர். ஆனால் இந்த படத்தில் தன்னுடைய கேரக்டர் மிகவும் அற்புதமாக இருக்கின்றது என்றும் அதனால் இந்த படத்தை தான் மிஸ் செய்யப்போவதில்லை என்றும் காஜல் அகர்வால் உறுதியாக இருக்கின்றாராம்.
