கடந்த பிப்ரவரி மாதம் 9ஆம் தேதி நடிகை மீரா ஜாஸ்மினுக்கும் அனில் ஜான் டைட்டஸ் என்பவருக்கும் திருமணம் நடைபெற்றது. திருமணத்திற்கு பின்னர் சினிமாவில் இருந்து ஒதுங்கியிருந்த மீரா ஜாஸ்மின் தற்போது விஞ்ஞானி என்ற படத்தில் நடிக்க ஒப்பந்தமாகியுள்ளார்.
விஞ்ஞானி திரைப்படத்தை பார்த்தி என்பவர் நடித்து இயக்குகிறார். இவர் அமெரிக்காவில் உள்ள நாசாவில் பணிபுரிந்தவர் என்பது குறிப்பிடத்தக்கது. தனக்குள்ள அறிவியல் அறிவை வைத்து சயின்ஸ் பிக்ஷன் திரைப்படமாக இந்த படத்தை பார்த்தி உருவாக்கியுள்ளார்.
இளம் விஞ்ஞானி ஒருவர் தனது சயிண்டிபிக் அறிவை வைத்து தந்திரமாக ஒரு இளம்பெண்ணை மயக்கி திருமணம் செய்துகொள்கிறார். அதனால் ஏற்படும் பிரச்சனைகளை நகைச்சுவை மற்றும் த்ரில்லிங்குடன் இந்த படத்தை இயக்குகிறார் பார்த்தி. விஞ்ஞானியிடம் ஏமாறும் இளம்பெண்ணாக மீரா ஜாஸ்மின் நடித்துள்ளார். சயின்ஸ் பிக்சன் கதையம்சம் கொண்ட இந்த படத்தின் கதையை கேட்டதும் மிகவும் ஆர்வமாகி மீரா ஜாஸ்மீன் நடிக்க ஒப்புக்கொண்டார். இந்த படத்தின் படப்பிடிப்புகள் இந்தியாவிலும், வெளிநாடுகளிலும் விறுவிறுப்பாக நடைபெற்று வருகிறது. வரும் 2015ஆம் ஆண்டு பிப்ரவரி மாதம் விஞ்ஞானி திரைப்படம் வெளியாகிறது.
