பிரபல ஹாலிவுட் நடிகர் ராபின் வில்லியம்ஸ் நேற்று மர்மமான முறையில் அவரது வீட்டில் மரணம் அடைந்துள்ளார். இதனால் ஹாலிவுட் படவுலகில் பெரும் பரபரப்பு ஏற்பட்டுள்ளது.
ஆஸ்கார் விருது, எம்மி விருது, கிராமி விருது ஆகிய விருதுகளை வென்ற பிரபல நகைச்சுவை நடிகர் ராபின் வில்லியம்ஸ் நேற்று கலிபோர்னியாவில் உள்ள அவரது வீட்டில் மர்மமான முறையில் மரணம் அடைந்தார். அவர் தற்கொலை செய்திருக்கலாம் என போலீஸார் சந்தேகம் அடைந்துள்ளனர்.
மிஸஸ் டவுட்ஃபையர் என்ற படத்தில் பெண் வேடமிட்டு இவர் நடித்த ஹாலிவுட் படம் உலக அளவில் மெஹா ஹிட் அடைந்த படம். இந்த படம் தமிழில் அவ்வை சண்முகி என்ற பெயரில் வெளிவந்தது. இதில் கமல்ஹாசன், மீனா, நாகேஷ் ஆகியோர் நடித்திருந்தனர்.
சில காலமாக மூச்சுத்திணறலால் அவதிப்பட்டு வந்த ராபின் வில்லியம்ஸ், கலிபோர்னியா மருத்துவமனையில் சிகிச்சை பெற்று வந்தார். இந்நிலையில் நேற்று அவர் திடீரென மரணம் அடைந்தது அனைவரையும் அதிர்ச்சியை ஏற்படுத்தியுள்ளது.
மரணம் அடைந்த ராபின் வில்லியம்ஸ் அவர்களுக்கு சூசன் ஷைனிடர் என்ற மனைவியும், மூன்று குழந்தைகளும் உள்ளனர். ராபின் மரணம் குறித்து அவரது மனைவி கூறுகையில், “என் கணவர் மற்றும் சிறந்த நண்பரை இன்று காலை இழந்துவிட்டேன். இந்த உலகம் அன்புக்குரிய கலைஞரையும், அன்பான மனிதரையும் இழந்துவிட்டது. என் இதயம் நொறுங்கிவிட்டது”
மேலும், வில்லியம்ஸ் இறந்தது அவரது ரசிகர்களுக்கு பெரும் அதிர்ச்சியை ஏற்படுத்தியுள்ளது. அவரது ரசிகர்கள் தங்களது இரங்கலை தெரிவித்த வண்ணம் உள்ளனர்.
