ஆகஸ் 27 முதல் வரும் 31ஆம் தேதி வரை ஐந்து நாட்களுக்கு ரூ.100 கட்டணத்திற்கு விமான டிக்கெட்டுகளை வழங்க ஏர் இந்தியா விமான நிறுவனம் முடிவு செய்துள்ளது.
இந்தியன் ஏர்லைன்ஸ் நிறுவனத்துடன் ஏர் இந்தியா நிறுவனம் இணைந்த தினம் நேற்று கொண்டாடப்பட்டது. இந்த தினத்தை முன்னிட்டு நேற்று முதல் வரும் 31ஆம் தேதி வரை சிறப்பு சலுகையாக ரூ.100க்கு விமான டிக்கெட் வழங்க இருப்பதாக ஏர் இந்தியா அறிவித்துள்ளது.
இது குறித்து ஏர் இந்தியா விமான நிறுவனம் வெளியிட்டுள்ள அறிக்கை ஒன்றில் “இத்தருணத்தில் ஏர் இந்தியா தனது பயணிகளுக்கு சலுகை கட்டணத்தை தொடங்கியுள்ளது. இச்சலுகை திட்டத்தின்கீழ் ரூ.100 ரூபாய்க்கு டிக்கெட் (வரிகள் தவிர) விற்பனை செய்யப்படும். விமான டிக்கெட்களை ஏர் இந்தியா இணையதளம் மூலமாக மட்டுமே பெற முடியும். ஆகஸ்ட் 27ஆம் தேதி முதல் செப்டம்பர் 30ஆம் தேதி வரையில் மேற்கொள்ளப்படும் பயணங்களுக்கு மட்டும் ஆகஸ்ட் 27ஆம் தேதி முதல் 31ஆம் தேAir தி வரை 5 நாட்கள் சலுகை டிக்கெட் விற்பனை செய்யப்படும்” என்று தெரிவிக்கப்பட்டுள்ளது
ஏர் இந்தியா நிறுவனம் முதல் முறையாக இந்த சிறப்பு தினத்தை கொண்டாடுவதோடு, சிறப்பு சலுகை டிக்கெட்டுக்களையும் வழங்கியுள்ளதால் விமான பயணிகள் மகிழ்ச்சி அடைந்துள்ளனர்.
