அஜீத், அனுஷ்கா, த்ரிஷா நடிப்பில் கெளதம் மேனன் இயக்கி வரும் ‘அஜீத் 55’ திரைப்படம் கிட்டத்தட்ட இறுதிக்கட்டத்தை நெருங்கிவிட்டது. இந்நிலையில் அஜீத்தின் அடுத்த படம் குறித்த தகவல்கள் வெளிவர தொடங்கியுள்ளன.
அஜீத்தின் அடுத்த படத்தை வீரம் படத்தை இயக்கிய சிறுத்தை சிவா இயக்கவுள்ளதாக செய்திகள் வெளியாகியுள்ளது. மேலும் இந்த படத்தில் அஜீத்திற்கு ஜோடியாக நடிக்க முன்னாள் உலக அழகி ஐஸ்வர்யாராயிடம் பேச்சுவார்த்தை நடத்த உள்ளதாகவும் சிறுத்தை சிவா தரப்பில் இருந்து செய்திகள் வெளியாகியுள்ளது.
ஏற்கனவே அஜீத் நடித்த ‘கண்டுகொண்டேன் கண்டுகொண்டேன்’ படத்தில் ஐஸ்வர்யாராய் நடித்திருந்தாலும், அஜீத்துக்கு ஜோடியாக அவர் நடிக்கவில்லை என்பது குறிப்பிடத்தக்கது. அந்த படத்தில் அப்பாஸை காதலித்துவிட்டு, மம்முட்டியை மணமுடிக்கும் ஒரு கேரக்டரில் ஐஸ்வர்யாராய் நடித்திருப்பார். இந்நிலையில் அஜீத்துக்கு ஜோடியாக இந்த படத்தில் நடிக்கவைக்க முயற்சிகள் மேற்கொள்ளபப்ட்டு வருகின்றன.
அஜீத்-ஐஸ்வர்யாராய் ஜோடி சேரும் இந்த படத்தை ஏ.எம்.ரத்னம் தயாரிப்பார் என தகவல்கள் கூறுகின்றன. ஏற்கனவே தற்போது கெளதம் மேனன் இயக்கி வரும் படத்தையும் இவர்தான் தயாரிக்கின்றார் என்பது குறிப்பிடத்தக்கது.
இந்த படத்தின் ஆரம்பகட்ட வேலைகள் தற்போது நடந்து வருவதாகவும் வரும் 2015 பிப்ரவரி அல்லது மார்ச் மாதம் இந்த படத்தின் படப்பிடிப்பு தொடங்கும் என்றும் கூறப்படுகிறது.
