உலகப்புகழ் பெற்ற தாஜ்மஹால் இருக்கும் ஆக்ரா நகரில் இன்று காலை ஏற்பட்ட பயங்கர தீ விபத்தில் சுமார் 300க்கும் மேற்பட்ட கடைகள் எரிந்து சாம்பலானது.
டெல்லி அருகே உள்ள ஆக்ராவில் புகழ்பெற்ற லோகர் கலி மார்க்கெட் ஒன்று உள்ளது. இந்த பகுதியில் இன்று அதிகாலை திடீரென பயங்கர தீ விபத்து காரணமாக சுமார் 250 முதல் 300 கடைகள் எரிந்து சாம்பலாகி உள்ளன.
இந்த திடீர் தீ விபத்திற்கான காரணம் குறித்து உடனடியாக தகவல் ஏதும் இல்லை. இருப்பினும் மின்கசிவு காரணமாக இந்த தீ விபத்து ஏற்பட்டிருக்கலாம் என முதல்கட்ட விசாரணையில் தெரியவந்துள்ளது. இந்த விபத்து குறித்து தகவல் தெரிந்தவுடன் உடனடியாக சம்பவ இடத்திற்கு விரைந்து வந்த தீயணைப்பு வீரர்கள் தீயை அணைக்கும் பணியில் தீவிரமாக ஈடுபட்டுள்ளனர்.
மேலும், இந்த தீ விபத்தில் சுமார் 40 கோடி ரூபாய் மதிப்பிற்கான இழப்பு ஏற்பட்டிருக்கும் என்று கூறப்படுவதால், தீ விபத்து குறித்து போலீசார் தீவிர விசாரணை நடத்தி வருகின்றனர்.
