சென்னை உள்பட தமிழகத்தின் பல பகுதிகளில் நேற்று முதல் கனமழை பெய்து வருவதால் தமிழகத்தில் இன்று பள்ளி, கல்லூரிகளுக்கு விடுமுறை அறிவிக்கப்பட்டுள்ளது.
தமிழகத்தில் பருவ மழை தீவிரம் அடைந்து நேற்று காலை முதல் மாநிலம் முழுவதும் கனமழை பெய்து வருகிறது. இதனால், கனமழை காரணமாக சென்னையில் உள்ள சாலைகளில் மழைநீர் பெருக்கெடுத்து ஓடுகிறது. இதனால் அரசு மற்றும் தனியார் பள்ளிகள் மற்றும் கல்லூரிகளுக்கு விடுமுறை அறிவித்துள்ளார் மாவட்ட ஆட்சியர் உத்தரவிட்டுள்ளார்.
இதேபோல், திருவள்ளூர், தூத்துக்குடி, நெல்லை மாவட்டத்தில் உள்ள பள்ளிகள் மற்றும் கல்லூரிகளுக்கும் அந்தந்த மாவட்ட ஆட்சியர்கள் விடுமுறை அறிவித்துள்ளனர். மேலும், தனியார் கல்வி நிறுவனங்களும் கட்டாயம் இயங்க கூடாது என்றும் அவர்கள் உத்தரவிட்டுள்ளனர்.
ஆனால், சிவகங்கை மாவட்டத்தில் பள்ளிகளுக்கு மட்டும் விடுமுறை அளிக்கப்பட்டுள்ளதாகவும், கல்லூரிகள் வழக்கம்போல் செயல்படும் என்றும் மாவட்ட நிர்வாகம் சார்பில் அறிவிப்பு வெளியிடப்பட்டுள்ளது.
சென்னையில் நேற்று முதல் தீபாவளி திருவிழா கொண்டாட வெளியூர்களுக்கு ஆயிரக்கணக்கானோர் செல்ல ஆரம்பித்துள்ளதால், பேருந்து மற்றும் ரயில் நிலையங்களில் பெரும் கூட்டம் காணப்பட்டது. மழை காரணமாகவும், கூட்டம் காரணமாகவும் நேற்று பெரும் போக்குவரத்து நெருக்கடி ஏற்பட்டது.
