தனுஷ், அம்ரியா தஸ்தூர் நடிப்பில் கே.வி.ஆனந்த் இயக்கத்தில் விரைவில் வெளிவரவிருக்கும் அனேகன் திரைப்படத்திற்கு ஹாரீஸ் ஜெயராஜ் இசையமைக்கிறார். ஏற்கனவே ஹாரீஸ்-கே.வி.ஆனந்த் கூட்டணியில் வெளியான மாற்றான், அயன் ஆகிய இரண்டு படத்தின் பாடல்களும் நல்ல ஹிட் ஆகியுள்ளதால் இந்த படத்தின் பாடல்களுக்கும் பெரும் எதிர்பார்ப்பு ஏற்பட்டுள்ளது.
இந்நிலையில் அனேகன் படத்தில் ஒரு பாடலை அனிருத் பாடியுள்ளார் என்ற தகவல் தற்போது வெளியாகியுள்ளது. டங்காமாரி என்ற சென்னை தமிழில் தொடங்கும் இந்த பாடல் பெரும் பரபரப்பை ஏற்படுத்தும் என ஹாரீஸ் கூறியுள்ளார். ஏற்கனவே அனிருத் ‘ஐ’ படத்திற்காக பாடிய ‘மெர்சலாயிட்டேன்’ பாடல் இளைஞர்களிடையே பெரும் வரவேற்பை பெற்றுள்ள நிலையில் டங்காமாரி பாடலும் பயங்கர ஹிட் ஆகும் என எதிர்பார்க்கப்படுகிறது.
டங்காமாரி என்றால் சோமாரி, கேப்மாரி என்று அர்த்தமாம்.
