ஆர்யா, தமன்னா நடித்து வரும் ‘வாசும் சிவாவும் ஒண்ணா படிச்சவங்க’ படத்தின் படப்பிடிப்பு தற்போது விறுவிறுப்பாக நடைபெற்று வருகிறது. முதல்கட்ட படப்பிடிப்பு அம்பத்தூரில் உள்ள மருத்துவமனையில் முக்கிய காட்சிகள் நடைபெற்று வரும் நிலையில் இரண்டாம் கட்ட படப்பிடிப்பு சென்னையில் உள்ள ஒரு வீட்டில் நடைபெற உள்ளது. இந்த வீட்டில் தமன்னாவை பெண் பார்க்க ஆர்யா வருவது போன்ற காட்சி படமாக்க உள்ளது.
இதே வீட்டில்தான் ஹன்சிகா-ஜெயம் ரவி நடித்த ரோமியோ-ஜூலியட் படத்தின் படப்பிடிப்பு நடைபெற்றது என்பது குறிப்பிடத்தக்கது. எம்.ராஜேஷ் இயக்கி வரும் இந்த படத்திற்கு டி.இமான் இசையமைத்து வருகிறார். நிரவ் ஷா ஒளிப்பதிவில் விவேக் ஹர்சன் எடிட்டிங்கில் இந்த படம் மிக வேகமாக வளர்ந்து வருகிறது. ஆர்யா, தமன்னா, சந்தானம், கருணாகரன், வித்யூலேகா ராமன், ரேணுகா மற்றும் பலர் இந்த படத்தில் நடித்து வருகின்றனர்.
இந்நிலையில் தமன்னாவுக்கு அவரது வீட்டில் மாப்பிள்ளை பார்த்து வருவதாகவும், மிக விரைவில் அவரது திருமணம் நடைபெற உள்ளதாகவும் கூறப்படுகிறது.
