பிரமாண்ட இயக்குனர் ஷங்கர் இயக்கிய ‘ஐ’ திரைப்படம் கடந்த 14ஆம் தேதி ரிலீஸாகி பாசிட்டிவ் மற்றும் நெகட்டிவ் என மாறி மாறி விமர்சனங்கள் வந்து கொண்டிருக்கும் நிலையில் அந்த படத்தின் வசூல் எதிர்பார்த்த அளவு இல்லை என்பதே அனைவரின் கருத்தாக உள்ளது. நல்லவேளையாக இந்த படத்திற்கு போட்டியாக வேறு எந்த பெரிய படமும் வரவில்லை என்பது ‘ஐ’ படத்திற்கு அமைந்த ஒரு பிளஸ்ஸாக அமைந்துவிட்டது.
‘ஐ’ படத்துடன் வெளிவந்த ‘ஆம்பள’ படமும் சுமாரான படம் என்ற விமர்சனம் வந்துள்ளதால் ‘ஐ’ படத்திற்கு போட்டியாக வேறு எந்த படமும் இல்லை என்பது குறிப்பிடத்தக்கது. இந்நிலையில் பிரபல விநியோகிஸ்தர் ஒருவர் ‘ஐ’ படத்தின் வசூல் குறித்து கூறியபோது, ‘நல்லவேளையாக அஜீத்தின் ‘என்னை அறிந்தால்’ படம் பொங்கல் தினத்தில் வெளியாகவில்லை. ஒருவேளை பொங்கல் தினத்தில் அந்த படமும் வெளிவந்திருந்தால் ‘ஐ’ படத்தின் வசூல் படுமோசமாக இருந்திருக்கும் என்று தனது டுவிட்டர் தளத்தில் கூறியுள்ளார். எனவே ஷங்கர் மற்றும் ‘ஐ’ படத்தயாரிப்பாளர் ஆகிய இருவரையும் படுகுழியில் இருந்து அஜீத் மறைமுகமாக காப்பாற்றியிருக்கின்றார் என்று கூறப்படுகிறது.
இந்நிலையில் அஜீத்தின் என்னை அறிந்தால் திரைப்படம் வரும் 21ஆம் தேதி சென்சாருக்கு செல்லவிருப்பதாகவும், ஜனவரி 29ஆம் தேதி உலகம் முழுவதும் பிரமாண்டமாக ரிலீசாக இருப்பதாகவும் உறுதிப்படுத்தப்பட்ட செய்திகள் வெளிவந்துள்ளது.
