பிரபல ரஷ்ய டென்னிஸ் வீராங்கனை வைலட்டாடெஜிடிரேவா பயிற்சியில் ஈடுபட்டிருக்கும்போது திடீரென ஏற்பட்ட மாரடைப்பு காரணமாக மரணமடைந்ததாக வந்தசெய்தி டென்னிஸ் ரசிகர்களை கடும் அதிர்ச்சியை ஏற்படுத்தியுள்ளது.
ரஷ்யாவில் உள்ள ரோஸ்டோவ் நகரை சேர்ந்த 23 வயது வைலட்டா டெஜிடிரேவா, உலக அளவில் 1084வது இடத்தில் இருந்தாலும், அவருக்கு உலகம் முழுவதும் லட்சக்கணக்கான ரசிகர்கள் உள்ளனர். அவர் கடைசியாக துருக்கியில் நடைபெற்ற காலிறுதி சுற்றில் கலந்து கொண்டார்.
இளம் டென்னிஸ் வீராங்கனையான வைலட்டா டெஜிடிரேவா, தனது அபாரா ஆட்டத்தின் காரணமாக தன்னுடைய விளையாட்டு திறமையை படிப்படியாக தீவிர பயிற்சியினால் வளர்த்து வந்தார். இந்நிலையில் நேற்று அவர் பயிற்சியில் ஈடுபட்ட்டிருந்தபோது எதிர்பாராதவிதமாக மாரடைப்பு ஏற்பட்டு மரணம் அடைந்தது மிகுந்த சோகத்தை ஏற்படுத்தி உள்ளது.
இவரது மரணம் குறித்து உடனடியாக தகவல்கள் ஏதும் வெளிவரவில்லை. இவரது நெருங்கிய சக டென்னிஸ் வீராங்கனையான அனஸ்டாசியா அவர்கள் தன்னுடைய ஃபேஸ்புக்கில் இதனை தெரிவித்துள்ளார்.
அதில், வைலட்டா டெஜிடிரேவா மரணம் என்னால் நம்பமுடியவில்லை. இருப்பினும் அவரது ஆன்மா சாந்தி அடைய இறைவனை பிரார்த்திக்கிறேன் என்று இரங்கல் தெரிவித்துள்ளார்.
