சமீபத்தில் நடிகை த்ரிஷாவுக்கும் பிரபல தொழிலதிபர் வருண்மணியனுக்கும் நடைபெற்ற திருமண நிச்சயதார்த்த நிகழ்ச்சிக்கு த்ரிஷாவின் பல திரையுலக நண்பர்கள் கலந்துகொண்டனர். அவர்களில் ஒருவர் நடிகை சார்மி என்பது குறிப்பிடத்தக்கது.
இந்நிலையில் தற்போது வந்துள்ள தகவலின்படி நடிகை சார்மி, த்ரிஷாவின் திருமண தினத்தில் நடனம் ஆட ஒப்பந்தம் செய்யப்பட்டிருப்பதாக கூறப்படுகிறது. த்ரிஷாவின் திருமண தேதி இன்னும் முடிவு செய்யப்படாத நிலையில், சார்மி தற்போது நடனப்பயிற்சியில் ஈடுபட்டுள்ளதாகவும் கூறப்படுகிறது.
இதுகுறித்து நடிகை சார்மி மற்றும் த்ரிஷா எவ்வித அறிவிப்பும் அறிவிக்கவில்லை என்பது குறிப்பிடத்தக்கது. திருமண தேதி அறிவிக்கப்பட்டவுடன் சார்மி நடன அறிவிப்பும் வெளியாகும் என கூறப்படுகிறது.
