நினைத்தாலே இனிக்கும், சலங்கை ஒலி, ஏழை ஜாதி, தசாவதாரம் உள்பட பல தமிழ், தெலுங்கு, இந்தி படங்களில் நடித்த பிரபல நடிகை ஜெயப்ரதா. இவர் திரையுலகை போலவே அரசியலிலும் கடந்த சில ஆண்டுகளாக ஜொலித்து வந்தார்.
சமாஜ்வாடி ஜனதா கட்சியில் இருந்து இரண்டு முறை எம்.பி.யாக தேர்ந்தெடுக்கபட்ட பின்னர் பின்னர் அக்கட்சியில் இருந்து நீக்கப்பட்டதால் ராஷ்டிரிய லோக்தளம் கட்சியில் சேர்ந்து கடந்த 2014ஆம் ஆண்டு நடைபெற்ற நாடாளுமன்ற தேர்தலில் போட்டியிட்டு தோல்வி அடைந்தார்.
இந்நிலையில் தற்போது அவர் பாரதிய ஜனதா கட்சியில் சேரவிருப்பதாக தகவல்கள் கூறுகின்றன. இதுகுறித்து ஜெயப்ரதா பாஜக மேலிடத்தில் பேசிவிட்டதாகவும், விரைவில் அவர் பிரதமர் மோடி முன்னிலையில் பாஜகவில் இணைவார் என்றும் எதிர்பார்க்கப்படுகிறது.
இதுகுறித்து ஜெயப்ரதா கூறியபோது, ‘ இந்தியாவை முன்னெடுத்து செல்வதிலும், அதற்காக மற்றவர்களை ஊக்குவிப்பதிலும் நரேந்திர மோடியின் தலைமைத்துவம் என்னை கவர்ந்து விட்டது. எனவே மோடியின் தலைமையின் கீழ் பணியாற்ற விரும்புகிறேன். அந்தவகையில் ஆரோக்கியமான அரசியலையே நான் விரும்புகிறேன்” என்று கூறினார்.
