கடந்த நான்கு ஆண்டுகளுக்கு முன்பே கணவரிடம் இருந்து விவாகரத்து பெற்ற தமிழ் நடிகை காவ்யா மாதவன் கர்ப்பமாகியுள்ளதாக வெளிவந்துள்ள செய்தியால் கடந்த இரண்டு நாட்களாக திரையுலகில் பெரும் பரபரப்பு ஏற்பட்டது. ஆனால் காவ்யா மாதவன் ஒரு படத்திற்காக நடித்த கர்ப்பிணி வேடம்தான் வதந்தியாக உருவெடுத்துள்ளதாக தற்போது தெரிய வந்துள்ளது.
காசி, என் மனவானில், சாது மிரண்டால் ஆகிய தமிழ் படங்களிலும், ஏராளமான மலையாள படங்களிலும் நடித்தவர் நடிகை காவ்யா மாதவன். இவர் துபாய் தொழிலதிபர் நிஷால் சந்திரா என்பவரை கடந்த 2009ஆம் ஆண்டு திருமணம் செய்து செய்தார். ஒரு வருடம் மட்டுமே கணவருடன் துபாயில் வாழ்ந்த காவ்யா பின்னர் கணவருடன் ஏற்பட்ட கருத்து வேறுபாடு காரணமாக கடந்த 2010ஆம் ஆண்டு விவாகரத்து பெற்றார்.
விவாகரத்துக்கு பின்னர் மீண்டும் ஒருசில மலையாள படங்களில் நடிக்கத்தொடங்கினார். இவர் நடித்து விரைவில் வெளிவரவுள்ள ‘ஷீ டாக்ஸி’ பெரும் எதிர்பார்ப்பை ஏற்படுத்தியுள்ளது. இந்நிலையில் காவ்யா மாதவன் ஆகாஷ்வாணி என்ற படத்தில் கர்ப்பிணியாக நடித்து வருகிறார்.
இந்த படத்திற்காக எடுக்கப்பட்ட காவ்யா மாதவனின் கர்ப்பிணி ஸ்டில்கள் கடந்த இரண்டு நாட்களாக சமுக வலைத்தளங்களில் பரவி, காவ்யா மாதவன் கர்ப்பிணியாக இருப்பதாக வதந்தி கிளம்பியது. இதனால் அதிர்ச்சி அடைந்த ஆகாஷ்வாணி இயக்குனர் இதுகுறித்து கூறும்போது, இந்த படத்தில் இடம்பெறும் ஒரு பாடல் காட்சியில் காவ்யா மாதவன் கர்ப்பிணியாக நடித்துள்ளார் என்றும், அவர் உண்மையாகவே கர்ப்பமாக இருப்பதாக வெளிவந்துள்ள செய்தி தவறானது என்றும் விளக்கமளித்துள்ளார்.
