இந்தியாவின் முன்னணி உள்ளாடை தயாரிக்கும் ஒரு பிரபல நிறுவனத்தின் விளம்பர படத்தில் நடிக்க கத்தி நாயகி சமந்தா ஒப்புக்கொண்டதாகவும், அதற்காக அவருக்கு ரூ.6 கோடி சம்பளம் கொடுக்கப்பட்டிருப்பதாகவும் ஒரு ஆங்கில முன்னணி பத்திரிகை செய்தி வெளியிட்டிருந்தது.
ஆனால் இந்த தகவலை நடிகை சமந்தா இன்று மறுத்துள்ளார். அந்த ஆங்கில பத்திரிகை முழுக்க முழுக்க ஊர்ஜிதமாகாத தகவலை செய்தியாக வெளியிட்டுள்ளது என்றும், அதில் சிறிதும் உண்மையில்லை என்றும் கூறியுள்ளார்.
இதுகுறித்து அந்த பிரபல உள்ளாடை நிறுவனம் கூறியபோது, முதலில் தங்கள் கம்பெனி விளம்பர படத்தில் நடிக்க சமந்தா ஒப்புக்கொண்டதாகவும், பின்னர் ஒருசிலரின் ஆலோசனையால் பின்வாங்கிவிட்டதாகவும் கூறியுள்ளனர்.
தற்போது சமந்தா தமிழில் விக்ரமுடன் ’10 எண்றதுக்குள்ள்’ மற்றும் இரண்டு தெலுங்கு படங்களில் நடித்து வருகிறார்/
