பிரபல நடிகை சமந்தா திடீர் ஓய்வு. ரசிகர்கள் அதிர்ச்சி.
விண்ணைத்தாண்டி வருவாயா, அஞ்சான், கத்தி போன்ற பல தமிழ் படங்களிலும், தெலுங்கு படங்களிலும் நடித்து வந்த நடிகை சமந்தா திடீரென டுவிட்டரில் இருந்து ஓய்வு பெறுவதாக அறிவித்துள்ளார். நடிகை சமந்தாவுக்கு 11 லட்சத்திற்கும் அதிகமான ஃபாலோயர்கள் இருக்கும் நிலையில் அவர் எடுத்த இந்த திடீர் ஓய்வு காரணமாக அவரது ரசிகர்கள் அதிர்ச்சி அடைந்துள்ளதாக செய்திகள் தெரிவிக்கின்றன.
சமீபத்தில் நடிகர் சித்தார்த்துடன் பிரேக் அப் ஏற்பட்ட சமந்தாவிடம் விரும்பத்தகாத கேள்விகளை ஒருசிலர் டுவிட்டரில் கேட்டு வருவதாகவும் இதனால் மன உளைச்சலுக்கு ஆளான சமந்தா, டுவிட்டரில் இருந்து வெளியேறியதாகவும் கூறப்படுகிறது.
டுவிட்டரில் இருந்து விலகிய சமந்தா திரையுலகில் இருந்து விலகுவார் என்ற வதந்தி மிகவேகமாக பரவி வரும் நிலையில் இதுகுறித்து சமந்தாவின் தரப்பினர் கூறும்போது நடிகை சமந்தா தற்போத் தமிழ், தெலுங்கு என பிசியாக இருப்பதால் டுவிட்டரில் நேரம் செலவிட அவரால் முடியவில்லை என்றும் சிறிது நாள் இடைவெளிக்கு பின்னர் அவர் மீண்டும் டுவிட்டருக்கு வருவார் என்றும் கூறப்படுகிறது.
கடந்த 2012ஆம் ஆண்டு பிப்ரவரியில் டுவிட்டரில் இணைந்த சமந்தா இதுவரை 4392 டுவீட்டுகள் செய்துள்ளார் என்பது குறிப்பிடத்தக்கது. சமந்தா தன்னுடைய கடைசி டுவீட்டில் ‘டுவிட்டரில் இருந்து விலகுகிறேன். கடவுள் அனைவரும் ஆசிர்வதிப்பார்’ என்று கூறியுள்ளார்.
