உலகின் மிகப்பெரிய தேசிய கொடியாக இந்திய தேசிய கொடி நேற்று பரிதாபாத் பூங்காவில் ஏற்றப்பட்டது.
ஏற்கனவே டெல்லியில் உள்ள ஒரு பூங்காவில் கடந்த ஜனவரி மாதம் 90 அடி நீளமும், 60 அடி அகலமும் கொண்ட இந்திய தேசிய கொடி 207 அடி உயரத்தில் ஏற்பட்டநிலையில் தற்போது அதைவிட பெரியதான இந்திய தேசிய கொடி ஏற்றப்பட்டது. இந்த கொடிதான் உலகின் மிகப்பெரிய தேசியக்கொடி என்ற பெருமையை பெற்றுள்ளது.
இந்த கொடியேற்றும் விழாவில் பாரதிய ஜனதா கட்சியின் தேசிய தலைவர் அமித்ஷா மற்றும் ஹரியானா முதலமைச்சர் கத்தார், பாலிவுட் நடிகர் ரன்பீர் கபூர் உள்பட பலர் கலந்து கொண்டனர்.
48 கிலோ எடை கொண்ட இந்த கொடி 96 அடி நீளமும், 64 அடி அகலமும் கொண்டுள்ளது. பரிதாபாத்தில் உள்ள பூங்காவில், 250 அடி உயரத்தில் ஏற்றி வைக்கப்பட்டுள்ளது.
